मुंबई, 13 एप्रिल: विद्यापीठ आणि महाविद्यालयात सहाय्यक प्राध्यापक म्हणून भरतीसाठी घेण्यात येणाऱ्या UGC NET परीक्षेचा निकाल आज, 13 एप्रिल 2023 रोजी प्रसिद्ध होणार आहे. विद्यापीठ अनुदान आयोग म्हणजेच यूजीसीचे अध्यक्ष एम जगदीश कुमार यांनी यासंदर्भात माहिती दिली आहे. UGC NET 2023 चा निकाल नॅशनल टेस्टिंग एजन्सीद्वारे जाहीर केला जाणार आहे. हा निकाल नक्की कसा चेक करावा हे आज आम्ही तुम्हाला सांगणार आहोत. UGC NET परीक्षा या वर्षी डिसेंबर 2021 आणि जून 2022 सायकलसाठी एकाच वेळी घेण्यात आली. UGC NET प्रवेश परीक्षा 21 फेब्रुवारी ते 16 मार्च या कालावधीत 5 टप्प्यांत घेण्यात आली. यामध्ये 83 विषयांसाठी एकूण 08 लाख 34 हजार 537 उमेदवार बसले होते. ‘ते’ नुसते दिसले तरी थरथर कापतात गुन्हेगार; आतापर्यंत तब्बल 60 एन्काऊंटर केलेले IPS आहेत तरी कोण? निकाल जाहीर करण्यासाठी यूजीसी किंवा नॅशनल टेस्टिंग एजन्सीने वेबसाइट सुरू केली आहे. UGC NET डिसेंबर 2022 चा निकाल ugcnet.nta.nic.in आणि ntaresuts.nic.in वर प्रसिद्ध केला जाईल. निकाल जाहीर झाल्यानंतर, आपण खाली दिलेल्या चरणांसह तपासण्यास सक्षम असाल. जाड पिळदार मिश्या आणि दबंग पर्सनॅलिटी, ‘Iron Man’ म्हणून ओळखले जातात ‘हे’ IPS Officer, गिनीज बुकमध्येही आहे नाव असा चेक करा निकाल निकाल पाहण्यासाठी, प्रथम अधिकृत वेबसाइट ugcnet.nta.nic.in वर जा. होमपेजवर, ‘उमेदवार कॉर्नर’ वर जा. आता, UGC NET डिसेंबर 2022 निकाल लिंकवर क्लिक करा. एक नवीन पृष्ठ उघडेल, तुमचा अर्ज क्रमांक आणि जन्मतारीख वापरून लॉग इन करा. तुमचा NET निकाल स्क्रीनवर दिसेल. डाउनलोड करा आणि प्रिंटआउट घ्या.
यावर्षी, यूजीसी नेट परीक्षा नॅशनल टेस्टिंग एजन्सीद्वारे देशभरातील 186 शहरांमधील 663 केंद्रांवर घेण्यात आली. UGC NET पेपर 1 आणि पेपर 2 मध्ये, 150 वस्तुनिष्ठ प्रकारचे प्रश्न एकूण 300 गुणांसाठी विचारले जातात आणि ते सोडवण्यासाठी 3 तास दिले जातात. NET परीक्षेचा निकाल जाहीर झाल्यानंतर, उमेदवारांना त्यांचा नोंदणी क्रमांक आणि जन्मतारीख तपासता येईल.