अशी असेल भरती प्रक्रिया
मुंबई, 19 जून: केंद्र सरकारच्या अग्निपथ योजनेबाबत (Agnipath scheme) मोठा गदारोळ झाला आहे. विद्यार्थ्यांच्या विरोधानंतर सरकारने भारतीय सैन्यदलाचे भवितव्य डोळ्यासमोर ठेवून या योजनेत अनेक मोठे बदल (What is Agnipath scheme?) केले आहेत. दरम्यान, रविवारी तिन्ही लष्करांनी संयुक्त पत्रकार परिषद घेतली आणि त्यात अग्निपथ योजनेची सविस्तर माहिती (detail information about Agnipath scheme) देण्यात आली. पत्रकार परिषदेत लष्कर, नौदल आणि हवाई दलातील भरती प्रक्रियेबाबतही माहिती देण्यात आली आहे. विरोधाला न जुमानता सरकार दोन दिवसांत अग्निपथ योजनेंतर्गत भरतीसाठी अधिसूचना जारी करणार आहे. लष्कर प्रमुख मनोज पांडे यांनी आधीच सांगितले आहे की अग्निवीरांची पहिली टीम डिसेंबर 2022 पर्यंत आमच्या रेजिमेंटल केंद्रांमध्ये सामील होईल आणि त्यांना पुढील वर्षाच्या मध्यापर्यंत तैनातीसाठी उपलब्ध करून दिले जाईल. वायुसेनेनेही अग्निवीरांच्या भरतीची घोषणा केली आहे. अग्निपथ योजनेंतर्गत अग्निवीरांच्या भरती प्रक्रियेबद्दल संपूर्ण तपशीलवार माहिती जाणून घेऊया. “ही तर फक्त सुरुवात, येत्या काही वर्षांमध्ये सव्वा लाख अग्निवीरांची होणार भरती”; तीनही दलांच्या प्रमुखांची माहिती पत्रकार परिषदेतील महत्त्वाचे मुद्दे विरोधाला न जुमानता सरकार दोन दिवसांत अग्निपथ योजनेंतर्गत भरतीसाठी अधिसूचना जारी करणार आहे. 24 जूनपासून भरती प्रक्रिया (Agnipath Recruitment process 2022) सुरू होणार आहे. पत्रकार परिषदेत लेफ्टनंट जनरल अनिल पुरी, एअर मार्शल एसके झा यांनी भरती प्रक्रियेची माहिती दिली. अग्निवीरांच्या भरतीसाठी अधिसूचना http://joinindianarmy.nic.in वर जारी केली जाईल. पहिल्या टप्प्यातील परीक्षा २४ जुलै रोजी होणार आहे. डिसेंबरपूर्वी हवाई दलात पहिली तुकडी भरती होईल. अग्निवीरांचे प्रशिक्षण 30 डिसेंबरपासून सुरू होणार आहे. नौदलातील अग्निवीरांसाठी 25 जून रोजी जाहिरात येईल. नौदलात अग्निवीरांची भरती प्रक्रिया महिनाभरात सुरू होणार आहे. नौदलाच्या म्हणण्यानुसार, पहिल्या बॅचचे अग्निवीर 21 नोव्हेंबरपासून रिपोर्टिंग सुरू करतील. भारतीय सैन्यात अग्निवीरांच्या भरतीसाठी 1 जुलै रोजी अधिसूचना जारी केली जाईल. सैन्यासाठी अग्निवीरांच्या भरतीसाठी, रॅली ऑगस्टच्या पहिल्या सहामाहीत सुरू होईल, जी ऑगस्ट, सप्टेंबर, ऑक्टोबर आणि नोव्हेंबरपर्यंत चालेल. तब्बल 60,000 रुपये पगार आणि बऱ्याच सुविधा; ‘या’ महापालिकेत जॉबची संधी सोडूच नका लष्करातील अग्निवीरांची पहिली तुकडी डिसेंबरच्या पहिल्या किंवा दुसऱ्या आठवड्यात दाखल होईल. मिळेल एक कोटींचा विमा योजनेचे विश्लेषण करण्यासाठी आणि पायाभूत सुविधा निर्माण करण्यासाठी आम्ही पहिल्या वर्षी 46,000 भरती करून छोटी सुरुवात केली आहे. नजीकच्या भविष्यात आमचा ‘अग्नीवीर’ संख्या 1.25 लाखांपर्यंत पोहोचेल. देशसेवेत बलिदान देणाऱ्या अग्निवीरला एक कोटी रुपयांची भरपाई मिळणार आहे.