विमानात असं काही घडलं की क्रू मेंबर्ससह सगळेच म्हणाले 'कबुतर जा जा', पाहा लय भारी VIDEO

विमानात असं काही घडलं की क्रू मेंबर्ससह सगळेच म्हणाले 'कबुतर जा जा', पाहा लय भारी VIDEO

विमान धावपट्टीवरून उड्डाण घेण्याआधी हा संपूर्ण प्रकार घडल्यानं गोंधळ निर्माण झाला होता.

  • Share this:

अहमदाबाद, 29 फेब्रुवारी : गो एअरच्या विमानात कबूतर घुसल्यानं मोठा गोंधळ निर्माण झाला होता. या कबूतरांना विमानातून बाहेर काढण्यासाठी कर्मचाऱ्यांची बरीच तारांबळ उडाली. विमान धावपट्टीवरून उड्डाण घेण्याआधी हा संपूर्ण प्रकार घडल्यानं गोंधळ निर्माण झाला होता. सर्व प्रवासी आपल्या आसनावर बसले असताना सामानाचे शेल्फ उघडताना अचानक दोन कबूतर बाहेर आले. ही कबूतरं विमानात इकडे तिकडे सैरभैर उडू लागली. त्यामुळे प्रवाशांचा गोंधळ उडाला. अहमदाबाद एअरपोर्टवर गो एअरचे जी 8-702 विमान टेक ऑफ करण्यापूर्वी कबूतरांनी विमानात घुसखोरी केली. तिथे उपस्थित असलेल्या क्रू मेंबर्सना या कबूतरांना बाहेर घालवताना फार तारांबळ उडाली. या संपूर्ण घटनेचा व्हिडिओ उपस्थित प्रवाशांची आपल्या कॅमेऱ्यात कैद करत सोशल मीडियावर शेअर केल्यानं तो तुफान व्हायरल झाला आहे.

हेही वाचा-याला म्हणतात जुगाड! होळीसाठी चक्क पाण्याच्या टॅंकरमधून आणली दारू

शुक्रवारी संध्याकाळी अहमदाबादवरुन जयपूर आलेल्या विमानात हा प्रकार घडला आहे. एका प्रवाशाने आपली बॅग ठेवण्यासाठी विमानातील लगेजचे शेल्फ उघडले. त्याचवेळी दोन कबूतरं बाहेर आली आणि विमानात सैरभैर होऊन उडू लागली. कबूतरांना पकडण्याचा काही प्रवाशांनी प्रयत्न केला. मात्र तो असफल ठरला. क्रू मेंबरने गोंधळ उडालेल्या प्रवाशांना शांत करून जागेवर बसण्यास सांगितले. त्यानंतर विमानाचा दरवाजा उघडून कबूतरांना विमानातून बाहेर काढण्यात आले.

हेही वाचा-आई शप्पत! सापानं गिळलेला टॉवेल डॉक्टरांनी खेचून काढला बाहेर, पाहा VIDEO

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Feb 29, 2020 11:46 AM IST

ताज्या बातम्या