उंदराकडे पाहावं तसं सापाकडे टकामका पाहत होतं मांजर; पुढे जे घडलं ते पाहून तुम्हीही उडाल

उंदराकडे पाहावं तसं सापाकडे टकामका पाहत होतं मांजर; पुढे जे घडलं ते पाहून तुम्हीही उडाल

याला तुम्ही मांजरीचं नशीब म्हणाल की हुशारी हे तुम्हीच व्हिडीओ पाहून सांगा.

  • Share this:

मुंबई, 09 जून : साप (Snake) म्हटलं तरी आपल्याला घाम फुटतो. अशा सापासमोर मुद्दामहून कोण उभं राहिल किंवा मुद्दाम त्याच्या जवळ कोण जाईल. पण एका मांजराने (Cat) ती हिंमत केली. एखाद्या उंदराच्या शेजारी बसून त्याला पाहावं तसं ती एका खतरनाक सापाच्या शेजारी बसून (Snake and cat video) त्याला पाहत होती. शेवटी तो साप, उंदीर नव्हे. त्याने मांजरावर हल्ला (Snake attacked on cat) केलाच. पण त्याचवेळी मांजराने आपला बचाव अशा पद्धतीने केला आहे. ज्यामुळे हा व्हिडीओ जास्त व्हायरल होतो आहे.

सापाने मांजरावर हल्ला केल्यानंतर मांजराने त्याच्यापासून कसा बचाव केला, हे तुम्हीच या व्हिडीओत पाहा. तसा सापाचा हल्ला तुमच्यासाठी काही नवा नाही, असे बरेच व्हिडीओ तुम्ही पाहिले असतील. पण एका मांजराने सापापासून बचाव कसा केला या व्हिडीओत तुम्ही जरूर पाहा.

व्हिडीओत पाहू शकता एका प्लॅस्टिकच्या डब्यात एक खतरनाक साप आहे. त्याच्याजवळच एक मांजर बसलं आहे. सापाकडे ते टकामका पाहत आहे. इतक्यात साप त्याच्यावर हल्ला करतो. तेव्हा मांजर इतकं घाबरतं की ते सापापासून आपला बचाव करण्यासाठी उडी मारतं. मांजर इतकी मोठी उडी मारतं की हवेतच उडतं. त्यानंतर ते सापापासून दूर जाऊन उभं राहतं. मांजरीचं नशीब म्हणा किंवा हुशारी. थोडक्यासाठी ती सापापासून बचावली आहे. सापाने अगदी तिच्या तोंडावरच हल्ला केला होता.

हे वाचा - VIDEO:कोरोना सेंटरमध्ये सहा फूट लांब साप घुसला; डॉक्टर आणि रुग्णांची उडाली धावपळ

आयपीएस अधिकारी रुपिन शर्मा यांनी आपल्या ट्विटरवर हा व्हिडीओ शेअर केला आहे. आक्रमण आणि बचाव असं कॅप्शन त्यांनी या व्हिडीओला दिलं आहे. हा व्हिडीओ अनेकांना आवडला आहे. व्हिडीओ जितका मजेशीर आहे, तितक्याच मजेशीर कमेंटही त्यावर येत आहे. सापाच्या हल्ल्यापेक्षा मांजराच्या बचाव करण्याच्या पद्धतीचं जास्त कौतुक होतं आहे.

Published by: Priya Lad
First published: June 9, 2021, 4:10 PM IST

ताज्या बातम्या