)
मुंबई : बॅचलर्सना भाड्याने घर घ्यायचं असेल, तर त्याहून कठीण काम दुसरं नाही. कारण बहुतांश घरमालक हे फॅमेलीला घर देणं पसंत करतात, त्यामुळे बॅचलर्सना घर मिळणं अवघड होऊन बसतं आणि जर घर मिळालंच तर मात्र तारेवरची कसरत होते. कारण ते असंख्य असे नियम लावतात, जे बऱ्याचदा मान्य करणं देखील कठीण होऊन बसतं. पण बॅचलर्सला घर ने देण्यामागे अनेक कारणं देखील आहेत. त्यांपैकी एक हल्लीच समोर आलं आहे. हे प्रकरण सोशल मीडियावर समोर आलं आहे, ज्याबद्दल Reddit वर माहिती मिळाली. ज्यामध्ये सांगितलं गेलं की, एका घरमालकाने बॅचलर्सला घर दिलं होतं, पण या बॅचलर्सनी घर सोडलं तेव्हा मात्र या घराची अशी अवस्था करुन ठेवली की, त्याला धक्काच बसला. याघराचे फोटो त्यांनी सोशल मीडियावर देखील शेअर केले आहेत. तुमच्या फ्रीजमधूनही आवाज येतो, मग ही धोक्याची घंटा? या बॅचलर्सने घराच्या रिकामी कोपऱ्यात असंख्य अशा रिकाम्या बिअरच्या बाटल्या सोडल्या होत्या, शिवाय घरी इतका कचरा केला होता की खूपच घाण वास येत होता. स्लॅब आणि तुटलेल्या कपाटांभोवती पडलेल्या कचऱ्याने स्वयंपाकघर अस्वच्छ दिसत होतं. फ्लॅटमध्ये एवढा कचरा पाहून असे वाटले की तो बराच काळ साफ केला गेला नाही.
हे फोटो शेअर करत त्याला कॅपशन दिलं गेलं होतं की, “हे कारण आहे की ज्यामुळे ओनर बॅचलर्सना भाड्याने घर देत नाही. एका “मल्टी नॅशनल कंपनी” मध्ये काम करणाऱ्या एका सुशिक्षित अविवाहित पुरुषाने बंगळुरूमध्ये हे कृत्य केलं आहे. हे ऐकून तर अनेकांना आणखी जास्त धक्का बसला.
बंगळुरूतील या घरमालकाने Reddit वर खुलासा केला होता की, त्याने एका मोठ्या MNC साठी काम करणाऱ्या एका सुशिक्षित बॅचलरला त्याचा 2 BHK फ्लॅट भाड्याने दिला होता. 3-4 महिन्यांचे भाडे भरल्यानंतर, भाडेकरू अचानक गायब झाला आणि नंतर फोन करून कळवले की त्याला फ्लॅट रिकामा करायचा आहे आणि सुरक्षा ठेव परत हवी आहे.
हे सगळं ऐकल्यावर जेव्हा घरमालक खोलीवर पोहोचला तेव्हा त्याने जे घरी पाहिलं, ते पाहून त्याला धक्का बसला, ज्यानंतर त्याने हे सगळं सोशल मीडियावर शेअर करण्याचं ठरवलं.
+6
फोटो
