)
मुंबई, 06 सप्टेंबर : सुपरमॅन, स्पायडरमॅन अशा सुपरहिरोंना (Superhero) लोकांच्या मदतीसाठी धावत येत अनेकांचा जीव वाचवताना तुम्ही पाहिलं आहे. आता रिअल लाइफमध्येही असा एक सुपरहिरो दिसून आला. ज्याने एका चिमुकल्याला मृत्यूच्या दाढेतून खेचलं (Sanitation worker saved child) हा सुपरहिरो म्हणजे एक सफाई कर्मचारी आहे. सोशल मीडियावर एका चिमुकल्याचा बचावाचा व्हिडीओ व्हायरल होतो आहे. एका सफाई कामगाराने या लहान मुलाचा जीव वाचवला आहे. या मुलाचा अपघात होणार होता. पण वेळीच सफाई कामगार त्याच्यासाठी धावला आणि तो अपघातातून वाचला.
व्हिडीओत पाहू शकता एक लहान मुलगा घरातून धावच निघाला. गेटबाहेर पडला आणि आधी तिथं उभा राहिला. त्यावेळी त्याच्यासमोरून एक कचऱ्याची गाडी जाताना दिसते. ही गाडी थोडी पुढे गेली की मुलगा रस्ता क्रॉस करायला जातो. पण रस्त्याच्या दुसऱ्या बाजूने एक भरधाव गाडी येत असते. मुलाचं लक्ष तिथं नव्हते. पण कचऱ्याच्या गाडीशेजारी खाली रस्त्यावर उभ्या असलेल्या सफाई कर्मचाऱ्याचं लक्ष तिथं जातं. हे वाचा - चक्क कुत्र्यानं वाचवला माशाचा जीव; हा VIRAL VIDEO जिंकतोय नेटकऱ्यांची मनं सफाई कर्मचारी धावत येत त्या मुलाला मागे खेचतो आणि समोरून एक भरधाव कार जाते. सफाई कर्मचारी वेळेवर धावला म्हणून नाहीतर भयंकर दुर्घटना झाली असतील. भरधाव कार या मुलाला उडवून निघून गेली असती. हा व्हिडीओ पाहून त्यावर बऱ्याच कमेंट येत आहे. नेटिझन्सनी या सुपरहिरो सफाई कर्मचाऱ्याचं कौतुक केलं आहे.
+6
फोटो
