)
लाहौर, 6 जानेवारी: पाकिस्तान नॅशनल असेंब्लीचे सदस्य (Member of Pakistan National Assembly) आणि प्रसिद्ध टीव्ही होस्ट (TV Host) आमिर लियाकत हुसैन (Amir Liyakat Hussain) यांचा एक डान्स परफॉर्मन्स (Dance Performance) सध्या सोशल मीडियावर (Social Media) जोरदार व्हायरल (Viral) होत आहे. अक्षय कुमार आणि कतरिना कैफ यांच्या सुप्रसिद्ध ‘टिप टिप’ गाण्यावर आमीर लियाकत हुसैन हे जोरदार डान्स करत असल्याचं या व्हिडिओत दिसतं. बघता बघता हा व्हिडिओ सोशल मीडियावर जोरदार व्हायरल झाला आहे. मात्र हा व्हिडिओ पाहून पाकिस्तानी जनता कमालीची नाराज आहे.
Tip Tip Barsa Paani 🔥🔥🔥 pic.twitter.com/0IBo4J4oqq
— Taimoor Zaman (@taimoorze) January 5, 2022
व्हिडिओ झाला व्हायरल आमीर लियाकत हुसैन यांचा हा व्हिडिओ तैमूर जमून नावाच्या सोशल मीडिया अकाउंटरवरून शेअर करण्यात आला आहे. हा व्हिडिओ सध्या जोरदार व्हायरल होत आहे. व्हाईट कुर्ता, विजार आणि नेहरू जॅकेट घातलेले आमीर हुसैन आपल्याच धुंदीत या गाण्यावर ठेका धरत असल्याचं या व्हिडिओत दिसतं. त्यांच्या हालचाली आणि स्टेप्स या अत्यंत आकर्षक असून ते आपल्या नृत्यानं सर्वांचं लक्ष वेधून घेत असल्याचं या व्हिडिओत दिसून येतं. हा व्हिडिओ सोशल मीडियावर जोरदार व्हायरल होत असून अनेकांना तो आवडला आहे. मात्र पाकिस्तानमधील काही नागरिक असे आहेत, ज्यांना हा प्रकार बिलकूल आवडलेला नाही. आपल्या लोकप्रतिनिधीनं अशा प्रकारे एका भारतीय गाण्यावर डान्स करावा, ही बाब अनेक पाकिस्तानी नागरिक पचवू शकलेले नाहीत, ही बाब या व्हिडिओवरील कमेंट्स वाचून लक्षात येते. हे वाचा -
डान्सचं वावडं सार्वजनिक जीवनात असणाऱ्या व्यक्तीनं सतत धीरगंभीर आणि अरसिक असावं, असंच सनातनी विचारांच्या नागरिकांना वाटत असतं. भारताप्रमाणंच पाकिस्तानातली अशा नागरिकांची संख्या मोठी असल्याचं या निमित्तानं दिसून आलं आहे. एकीकडे हा व्हिडिओ तरुणाईत जोरदार हिट झाला आहे, तर दुसरीकडे काही परंपरावादी लोक मात्र या व्हिडिओला नाकं मुरडताना दिसत आहेत.
+6
फोटो
