एक पाय नाही मात्र जिद्द दुप्पट; 'बॉडी बिल्डिंग' क्षेत्रात या महिलेची जबरदस्त चर्चा

या महिलेने आपली दिव्यांगता कधीही आपल्या स्वप्नांमध्ये अडथळा म्हणून आणून दिली नाही. तिने 2004 मध्ये एथेंसमध्ये झालेल्या पॅरा ऑलिम्पिक्समध्ये भाग घेतला होता आणि पुरस्कारही जिंकला होता. (Pic- AFP)

गुई यूना असा या 35 वर्षीय चिनी (China) महिलेचं नाव आहे. गुई यूनाने गेल्या वर्षी ऑक्टोबरमध्ये झालेल्या आयडब्ल्यूएफ बीजिंग 2020 मध्ये भाग घेतला होता. यात तिने हाय हिल्स घातले होते. तसंच बॉडी बिल्डिंगही केलं होतं. या स्पर्धेत तिला चीनसह, जगभरातील लोकांनी पसंती दर्शवत, तिचं कौतुकही केलं होतं. (Pic- AFP)

स्पर्धेदरम्यान ती स्टेजवर हाय हिल्स, बिकिनी आणि तिच्या काठीसह आली होती. गुई अनेकांसाठी प्रेरणास्थान ठरली आहे. (Pic- AFP)

गुई जिममध्ये सतत व्यायामही करते. टिकटॉकवर तिचे 2 लाखहून अधिक फॉलोअर्स आहे. ती चिनच्या नैनिंगमध्ये राहते. तिला तिच्या आईनेच लहनाचं मोठं केलं आहे. गुई लहान असतानाच तिच्या वडिलांचं निधन झालं होतं. (Pic- AFP)

गुईला लहानपणी एका ट्रकने जबरदस्त धडक दिली होती. या अपघातात तिचा एक पाय गेला. याबाबत तिला जास्त काहीही आठवत नसल्याचं ती सांगते. परंतु शाळेत असताना अनेक मुलं तिला त्रास देत असल्याचं तिने सांगितलं. (Pic- AFP)