फाटकी जीन्स घालून मुलगी पोहोचली शाळेत, पुढे शिक्षिकेनं जे केलं ते आश्चर्यकारक

नवी दिल्ली, 16 फेब्रुवारी :  आजकाल कॉलेजमध्ये जाताना मुलं मुली निरनिराळे रंगीबेरंगी कपडे घालून जातात. मात्र बऱ्याचदा कपड्यांवरुन त्यांना शिक्षकांचा ओरडा खावा लागतो. अशी प्रकरणे घरापर्यंतही जाताना दिसून येतात. असाच काहीसा प्रकार सध्या समोर आला आहे. एक मुलगी रिप्ड जीन्स घालून शाळेत पोहोचली पुढे शिक्षकांनी जे केलं ते पाहून मुलीच्या आईने संताप व्यक्त केला आहे.

अमेरिकेत राहणारी एक मुलगी रिप्ड जीन्स घालून शाळेत पोहोचली. शाळेतील शिक्षकाने तिच्या रिप्ड जीन्सवर सेलोटेप चिकटवला. शिक्षकाच्या या वागण्यावर मुलीची आई संतापली आणि तिनं याविषयी टिकटॉकवर व्हिडीओ शेअर केला आहे.

व्हिडीओ शेअर करत मुलीची आई म्हणाली, शाळेतील शिक्षिकेच्या कार्यालयात माझ्या मुलीच्या त्वचेवर टेप लावला, हे वागणं योग्य आहे का? डेलीस्टारच्या रिपोर्टनुसार, व्हिडीओमध्ये मुलीच्या आईने शाळा प्रशासनाला फटकारलं आहे. आपल्या मुलीचा अपमान झाल्याचं तिनं म्हटलं आहे.

मुलीच्या आईने आणखी एक व्हिडीओ बनवत शाळेच्या पॉलिसीविषयीदेखील सांगितलं आहे. व्हिडीओमध्ये महिला म्हणतेय की, पॉलिसीनुसार, समुदाय मानकांचे पालन करणारा ड्रेस स्वच्छ असावा. विद्यार्थ्यांनी अंगावरचे अवयव किंवा अंतर्वस्त्रे दिसतील असे कपडे घालू नये. हे प्रकरण सध्या सोशल मीडियावर चांगलंच चर्चेत आलं आहे. अनेकजण मुलीला पाठिंबा देत आहेत.