)
वाराणसी 11 एप्रिल : एक हैराण करणारं अजब प्रकरण समोर आलं आहे. उत्तर प्रदेशच्या वाराणसीमध्ये एका 14 दिवसाच्या बाळाच्या पोटात 3 गर्भ आढळून आले. बीएचयूच्या डॉक्टरांनी ऑपरेशन करून ते बाहेर काढले आहेत. सात डॉक्टरांच्या टीमला तीन तासांच्या कसरतीनंतर हे यश मिळालं. डॉक्टरांच्या म्हणण्यानुसार बाळाचे जन्मावेळी वजन 3.3 किलो होते, मात्र ऑपरेशननंतर त्याचे वजन आता 2.8 किलो झाले आहे. लग्नाआधीच दारूच्या नशेत नवरदेवाचं नको ते कांड, नवरीने नातं तोडत थेट पोलीसच बोलावले न्यूज 18 लोकलशी बोलताना बीएचयूचे डॉ. शेट कच्छप यांनी सांगितलं की, मऊ जिल्ह्यातील रहिवासी असलेलं हे जोडपं त्यांच्या 10 दिवसांच्या बाळाला घेऊन बीएचयूमध्ये आलं होतं. या बाळाला सूज आणि श्वास घेण्यास त्रास होत होता. बाळाचं अल्ट्रासाऊंड केलं असता त्याच्या पोटात गर्भ असल्याचं आढळून आलं. त्यानंतर सीटी स्कॅनद्वारे याबाबतची खात्री पटली. तीन दिवसांच्या उपचारानंतर सर सुंदरलाल रुग्णालयाच्या डॉक्टरांच्या पथकाने सोमवारी बाळावर शस्त्रक्रिया केली. यावेळी काढण्यात आलेलं भ्रूण वेगवेगळ्या अवस्थेत आढळून आलं. डॉ. ग्रीष्मा यांनी सांगितलं, की हा आजार खूपच असामान्य आहे. अशी समस्या 5 लाख लोकांमध्ये एका बाळामध्ये दिसून येते. गर्भ आईच्या गर्भधारणेदरम्यानच मुलाच्या पोटात प्रवेश करतो, ज्याचा विकास होत नाही.
डॉ.शेट कच्छप, डॉ.चेतन, डॉ.ग्रीष्मा आणि ऍनेस्थीसिया डॉ.अमृता, डॉ.आभा आणि हृतिक यांनी डॉ.रुचिरा यांच्या नेतृत्वाखाली या ऑपरेशनमध्ये सहकार्य केले. या मुलाचे ऑपरेशन बीएचयूच्या सर सुंदरलाल हॉस्पिटलमध्ये मोफत करण्यात आले आहे.
+6
फोटो
