'माणसांना पंख असते तर..'; चिमुकल्याने चक्क घारीसारखी घेतली भरारी; पाहा VIDEO

मुंबई, 13 ऑक्टोबर : आपण पक्ष्यांसारखं आकाशात उंच उडावं असं प्रत्येकाला वाटतं (Man fly like bird). माणसांना आकाशात उडण्याचा अनुभव घेता यावा यासाठी तसे बरेच मार्ग आहेत. विमान, एअर बलून, पॅराशूट असे बरंच काही उपलब्ध आहे. पण पक्ष्यासारखे पंख उडवत आकाशात उडण्याचं स्वप्न प्रत्येकाचं असतं. लहानपणी शाळेत आपण 'माणसांना किंवा मला पंख असते तर...' ही कल्पना निबंधाच्या रूपाने कागदावर उतरवली आहेच. आता एका चिमुकल्याने ते प्रत्यक्षात करून दाखवलं आहे (Children fly like bird video).

पक्ष्याप्रमाणे पंख मिळताच चिमुकल्याने पक्ष्याप्रमाणे भरारी घेतली. चक्क एखादी घार किंवा गरूडासारखी झेप त्याने घेतली. उंच उडण्याचा प्रयत्न त्याने केला. पंख मिळालेल्या या चिमुकल्याचा व्हिडीओ सध्या सोशल मीडियावर व्हायरल होतो आहे. हा व्हिडीओ पाहून तुम्ही थक्क व्हाल. या चिमुकल्याचंही कौतुक कराल.

It’s the ‘HOPE’ that makes you fly.

Somewhere in Arunachal Pradesh. ❤️ pic.twitter.com/IJAI077UZV — Awanish Sharan (@AwanishSharan) October 11, 2021

व्हिडीओत पाहू शकता एका छताचं काम सुरू आहे. छतावर नारळाच्या झावळ्यांसारखं काहीतरी टाकलं जात आहे.

हे वाचा - पर्यटकांसह आकाशात झेपावताच क्रॅश झाला Hot Air Balloon; भयंकर दुर्घटनेचा VIDEO

हा चिमुकला याच झावळ्या आपल्या पाठीला लावतो. दोन्ही हातांवर त्या पंखाप्रमाणे धरतो. तो अगदी घार, गरूड अशा विशाल पक्ष्यांप्रमाणेच दिसतो आहे. यानंतर तो चिमुकला  छताला घसरगुंडीप्रमाणे लावलेल्या एका लाकडी पट्टीवर येतो आणि आपले झावळ्यांचे पंख उडवत तो त्या पट्टीवरून उडी मारतो आणि आकाशात पक्ष्यासारखी झेप घ्यायला पाहतो.

साहजिकच हे खरे पंख नाहीत त्यामुळे चिमुकला पक्ष्यासारखं उंच झेप नाही. पण किमान काही अंतर तो उडतो आणि मग खाली पडतो. काही क्षण का होईना पंख लावून तो पक्ष्यासारखं उडण्याचा आनंद अनुभवतो.

हे वाचा - OMG! चक्क डोक्यावर ठेवली 735 अंडी; VIDEO पाहून तोंडात घालाल बोटं

आयएएस अधिकारी अश्विन शरन यांनी आपल्या ट्विटर अकाऊंटवर हा व्हिडीओ पोस्ट केला आहे. ही आशा आहे ज्यामुळे तुम्ही उडता असं कॅप्शन त्यांनी या व्हिडीओला दिलं आहे. त्यांनी पोस्टमध्ये दिलेल्या माहितीनुसार हा व्हिडीओ अरुणाचल प्रदेशमधील एका ठिकाणावरील आहे.