)
ऊना, 29 जुलै : हिमाचल प्रदेशात (Himachal Pradesh) मुसळधार पाऊस सुरू आहे. (Rain) अनेक ठिकाणी पूरपरिस्थिती उद्भवली असून दरडी कोसळल्यामुळे अनेकांचा मृत्यू झाला आहे. अशातच ऊना शहरातून एक धक्कादायक व्हिडीओ समोर आला आहे. जिला मुख्यालयाच्या चंडीगड-धर्मशाळा नॅशनल हायवेवर तरुणांच्या दोन गटात बेदम मारहाण झाली. घटनेदरम्यान पंजाबमधून आलेले काही तरुण आणि स्थानिक तरुणांनी एकमेकांवर तलावारीने वार केले, ज्यामध्ये अनेक तरुण गंभीर जखमी झाले आहेत. भर दिवसा सुरू असलेल्या संघर्षामुळे परिसरात दहशत पसरली आहे. जखमी तरुणांना उपचारासाठी रुग्णालयात दाखल करण्यात आलं आहे. सिटी पोलिसांना घटनास्थळी जाऊन तपास सुरू केला आहे. या घटनेचा व्हिडीओ सीसीटीव्हीमध्ये कैद झाला आहे. हे ही वाचा- मंदिरात दर्शनासाठी आलेल्या भक्तांचा बांध तुटला; Stampede सारखी उद्भवली परिस्थिती या मारहाणीचा व्हिडीओ व्हायरल झाला आहे. भरपावसात तरुणांच्या गटामध्ये मारहाण सुरू होती. अद्याप या घटनेत जीवितहानी झाल्याचं वृत्त समोर आलेलं नाही. तरी या संघर्षामुळे परिसरात दहशत निर्माण झाली आहे. अद्याप या मारहाणीचं कारण समोर आलेलं नाही. पोलीस या प्रकरणात तपास करीत आहेत.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
