पर्यटक विमान कोसळलं; पायलट, को- पायलटसह पाच जणांचा मृत्यू

पेरू, 05 फेब्रुवारी: एक विमान दुर्घटनेची बातमी समोर येत आहे. पेरूमधील (Peru) नाज्का लाइन्सजवळ (Nazca Lines) शुक्रवारी एक पर्यटक विमान (Tourist Plane) कोसळलं. या अपघातात विमानातील सातही जण ठार झाले. नाज्का येथील 82 व्या फायर कंपनीचे अग्निशामक ब्रिगेडियर जुआन तिराडो यांनी सांगितले कि, विमान शहरातील एअरफील्डजवळ कोसळलं. कोणीही जिवंत नाही. विमानाचे मालक, टूर कंपनी एयरो सँटोस यांनी सांगितलं की, विमानात पायलट आणि सह-पायलट असे पाच पर्यटक होते. पर्यटकांचे राष्ट्रीयत्व आणि ओळख अद्याप समजू शकलेली नाही. याआधी गेल्या वर्षी डिसेंबरमध्ये डोमिनिकन रिपब्लिकची राजधानी सेंटो डोमिंगो येथे खासगी विमान कोसळून 9 जणांचा मृत्यू झाला होता. विमानाचे ऑपरेटर हेलिडोसा एव्हिएशन ग्रुपच्या म्हणण्यानुसार, लास अमेरिका विमानतळावर आपत्कालीन लँडिंग दरम्यान हा अपघात झाला. या घटनेत ठार झालेल्या 9 जणांमध्ये सात प्रवासी आणि दोन क्रू मेंबर्सचा समावेश आहे. एव्हिएशन ग्रुपने ट्विटरवर पोस्ट केलेल्या निवेदनात ही माहिती दिली.

Seven dead as tourist plane crashes near Peru's Nazca lines: AFP News Agency quoting Ministry

— ANI (@ANI) February 4, 2022

विमानात 6 परदेशी नागरिक होते. तसेच, एक डोमिनिकन होता. Flightradar 24 नुसार, विमान डोमिनिकन रिपब्लिकमधील ला इसाबेला आंतरराष्ट्रीय विमानतळावरून फ्लोरिडाला जात होतं. यादरम्यान आपत्कालीन लँडिंग करण्यात आलं. उड्डाणानंतर अवघ्या 15 मिनिटांतच विमान कोसळलं. डिसेंबरमध्ये कोसळलं भारतीय हवाई दलाचे MI17V5 हेलिकॉप्टर गेल्या वर्षी डिसेंबरमध्ये भारतीय हवाई दलाचे Mi17V5 हेलिकॉप्टर भारतात कोसळलं होतं. या अपघातात सीडीएस जनरल बिपिन रावत, त्यांची पत्नी मधुलिका रावत आणि ब्रिगेडियर एलएस लिडर यांच्यासह 13 जणांचा मृत्यू झाला. अपघाताच्या एका दिवसानंतर 9 डिसेंबर रोजी सर्व मृतदेह तामिळनाडूतील सुलूर येथून दिल्लीत आणण्यात आले. या अपघातातून बचावलेले ग्रुप कॅप्टन वरुण सिंग यांचाही उपचारादरम्यान मृत्यू झाला. त्याचदरम्यान ऑक्टोबरमध्ये, इटलीच्या रोम येथे स्थित मिलानच्या उपनगरात एका रिकाम्या दोन मजली इमारतीला आदळल्यानंतर एक लहान विमान कोसळलं. एका इटालियन वृत्तसंस्थेनं दिलेल्या माहितीनुसार, या अपघातात विमानातील सर्व 6 प्रवासी आणि दोन क्रू मेंबर्सचा मृत्यू झाला आहे. 'लाप्रेस' या वृत्तसंस्थेनं घटनास्थळी उपस्थित अग्निशमन दलाच्या जवानांच्या हवाल्याने सांगितलं की, विमानातील पायलट आणि पाच प्रवाशांचा मृत्यू झाला आहे. मिलानजवळील लहान शहर सॅन डोनाटो मिलानीजच्या सबवे स्टेशनजवळ विमान कोसळलं.