Home /News /videsh /

Mariupol : युक्रेनियन सैनिकांना रशियाचा इशारा, शस्त्रे खाली ठेवली तर मिळेल जीवदान; नाहीतर..

Mariupol : युक्रेनियन सैनिकांना रशियाचा इशारा, शस्त्रे खाली ठेवली तर मिळेल जीवदान; नाहीतर..

Russia-Ukraine War: रशियन सैन्याने अझोव्ह समुद्रातील प्रमुख बंदर शहराला दीड महिन्यांहून अधिक काळ वेढा घातला आहे आणि आज तैनात केलेल्या युक्रेनियन सैन्याला एक नवीन ऑफर दिली आहे. मारियुपोल ताब्यात घेणं हे रशियाचं महत्त्वाचं धोरणात्मक लक्ष्य आहे.

पुढे वाचा ...
    मॉस्को, 17 एप्रिल : रशियाची युक्रेनविरोधातील (Russia-Ukraine War) लष्करी कारवाई पुन्हा तीव्र झाली आहे. रशियाने मारियुपोलमध्ये (Mariupol) तैनात असलेल्या युक्रेनियन सैन्याला सांगितलं की, जर त्यांनी शस्त्रं खाली ठेवली तर त्यांचे प्राण वाचतील. रशियाच्या संरक्षण मंत्रालयाने रविवारी पहाटे ही घोषणा केली. रशियन कर्नल जनरल मिखाईल मिझिंतसेव्ह यांनी सांगितलं की, अजोव्हस्टल इस्पाल कारखान्यात रशियन वेढा असलेल्या युक्रेनियन सैनिकांना (Ukrainian soldiers news) आत्मसमर्पण करण्यासाठी स्थानिक वेळेनुसार दुपारी 1 वाजेपर्यंत वेळ देण्यात आला आहे. रशियन सैन्याने अझोव्ह समुद्रातील प्रमुख बंदर शहराला दीड महिन्यांहून अधिक काळ वेढा घातला आहे आणि आज तैनात केलेल्या युक्रेनियन सैन्याला एक नवीन ऑफर दिली आहे. मारियुपोल ताब्यात घेणं हे रशियाचं महत्त्वाचं धोरणात्मक लक्ष्य आहे. असं केल्यानं क्रिमियाला लँड कॉरिडॉर मिळेल. रशियाने 2014 मध्ये क्रिमियाचा ताबा घेतला. याशिवाय मारियुपोलमध्ये युक्रेनच्या सैन्याचा पराभव केल्यानंतर तेथे तैनात असलेल्या रशियन सैन्याला डॉनबासच्या दिशेने जाणं शक्य होईल. हे वाचा - 6 जणं 13 दिवस निर्जन ठिकाणी अडकले, एका बाटलीने केला चमत्कार अन् नौदलानं वाचवलं 11 चौरस किलोमीटरपेक्षा जास्त क्षेत्रफळ असलेली, अजोव्स्टल स्टील मिल हे मारियुपोलचं शेवटचं मोठं क्षेत्र आहे, जे अजूनही युक्रेनियन सुरक्षा दलांच्या नियंत्रणाखाली आहे. रशियन संरक्षण मंत्रालयाचे प्रवक्ते मेजर जनरल इगोर कोनाशेन्कोव्ह यांनी शनिवारी सांगितलं की, सुमारे 2,500 युक्रेनियन सैन्य अजोव्स्टलमध्ये आहे. या दाव्याची स्वतंत्रपणे पडताळणी करता आली नाही. युक्रेनच्या अधिकाऱ्यांनी या संदर्भात कोणतीही संख्या नमूद केलेली नाही. दरम्यान, रशियाच्या लष्करानं युक्रेनच्या राजधानीबाहेरील लष्करी प्लांटवर क्षेपणास्त्र हल्ला केल्याचं सांगितलं. रशियाच्या संरक्षण मंत्रालयाचे प्रवक्ते मेजर जनरल कोनाशेन्कोव्ह यांनी रविवारी सांगितलं की, सैन्याने कीवच्या बाहेर ब्रोव्री येथील दारूगोळा प्लांटवर क्षेपणास्त्रे डागली.

    ते म्हणाले की इतर रशियन हवाई हल्ल्यांमुळे भूतकाळात स्वयारोडोनेत्स्कजवळील युक्रेनियन हवाई संरक्षण रडार आणि इतरत्र अनेक दारूगोळा डेपो नष्ट झाले.

    Published by:Digital Desk
    First published:

    Tags: Russia Ukraine, Russia's Putin, Ukraine news

    पुढील बातम्या