Pakistan PM Imran Khan | इम्रान खान यांचा निरोप निश्चित, फक्त प्रतीक्षा बाकी! 'हे' असतील पाकिस्तानचे पुढचे पंतप्रधान

नवी दिल्ली : पंतप्रधान इम्रान खान (pakistan pm imran khan) यांचे सरकार कधीही पडू शकते. पाकिस्तान मुस्लिम लीग-कायदा (PML-Q) ने इम्रान खान यांची साथ सोडली आहे. सोमवारी या संघाने पाकिस्तान मुस्लिम लीग-नवाज (PML-N) सोबतचा करार निश्चित केला आहे. CNN-News18 ला मिळालेल्या माहितीनुसार, इम्रान खान एका आठवड्यापेक्षा कमी कालावधीत पंतप्रधानपदाचा राजीनामा देऊ शकतात. पाकिस्तानमध्ये सुरू असलेल्या या संपूर्ण राजकीय घडामोडीबद्दल माहिती असलेल्या लोकांनी CNN-News18 ला सांगितले की, पाकिस्तान मुस्लिम लीग-नवाजचे अध्यक्ष शाहबाज शरीफ (Shahbaz Sharif) देशाचे पुढील पंतप्रधान होऊ शकतात. शाहबाज शरीफ हे पाकिस्तानचे माजी पंतप्रधान नवाज शरीफ यांचे धाकटे बंधू आहेत. याशिवाय मौलवी आणि उलेमा-ए-इस्लामचे अध्यक्ष मौलान फजलुर रहमान हे देशाचे पुढील राष्ट्रपती होऊ शकतात, जे आरिफ अल्वी यांची जागा घेतील. त्याचबरोबर आघाडी सरकारचे अध्यक्ष पाकिस्तान पीपल्स पार्टीचे नेते आणि माजी पंतप्रधान युसूफ रझा गिलानी असू शकतात. यापूर्वी, CNN-News18 ने पंजाब प्रांताचे मुख्यमंत्री उस्मान बुजदार यांच्या विरोधात अविश्वास प्रस्ताव दाखल केल्याचे वृत्त दिले होते. पंजाब विधानसभेचे विद्यमान अध्यक्ष चौधरी परवेझ इलाही पुढील मुख्यमंत्री होऊ शकतात, असे सांगण्यात येत आहे. खरं तर, इम्रान खान सरकारच्या विरोधात एकवटलेल्या विरोधी पक्षांनी पंजाब आणि प्रांतीय पातळीवर सत्तेत सहभागी होण्याची ब्लू प्रिंट पूर्णपणे तयार केली होती. इम्रान खान सरकारमध्ये मित्रपक्ष असलेल्या पाकिस्तान मुस्लिम लीगने यापूर्वी चौधरी परवेझ इलाही यांना मुख्यमंत्रीपद देण्याची मागणी केली होती. जम्मू-काश्मीरमध्ये पहिला हिंदू मुख्यमंत्री बनण्यासाठी मोदी-शाहांचा मास्टर प्लॅन? लाहोर विधानसभेत विद्यमान मुख्यमंत्री उस्मान बुझदार यांच्याविरोधात 126 सदस्यांनी अविश्वास प्रस्ताव आणला होता. हे सर्व सदस्य मुख्यमंत्र्यांच्या कामगिरीवर नाराज आहेत. मात्र, उस्मान बुझदार यांना मुख्यमंत्री पदावरून हटवण्यासाठी विरोधकांना 186 मतांची गरज आहे. पंजाब प्रांतात विधानसभेच्या 371 जागा आहेत. यापैकी 183 जागा इम्रान खान यांचा पक्ष पाकिस्तान-तेहरिक-इन्साफकडे आहेत आणि 3 जागा बहुमतापेक्षा कमी आहेत. त्याच वेळी, पाकिस्तान मुस्लिम लीग-नवाज आणि पाकिस्तान पीपल्स पार्टीसह इतर विरोधी पक्षांना एकूण 183 जागा आहेत. तर 5 अपक्ष सदस्य आहेत. पंजाबचे मुख्यमंत्री उस्मान बुझदार हे इम्रानचे सर्वात जवळचे सहकारी असल्याचे सांगितले जाते आणि ते लवकरच मुख्यमंत्रीपद सोडणार आहेत. अशा परिस्थितीत पंतप्रधान इम्रान खान यांची खुर्चीही धोक्यात आली आहे. पुतीन खाटीक असल्याचा बायडेन यांचा हल्लाबोल! जाणून घ्या युद्धाचे 5 मोठे अपडेट्स पाकिस्तानचे विरोधी पक्ष सोमवारी दुपारी पंतप्रधान इम्रान खान यांच्याविरोधात अविश्वास प्रस्ताव मांडू शकतात आणि नॅशनल असेंब्लीचे अध्यक्ष असद कैसर 3 दिवसांच्या आत त्यावर मतदान करू शकतात. दुसरीकडे, इम्रान खान म्हणाले की, ते कोणत्याही सत्तेपुढे झुकणार नाहीत, त्यांनी आपले सरकार अस्थिर करण्यामागे विदेशी शक्तींचा हात असल्याचे सांगितले आहे.