)
वॉशिंग्टन, 1 मे : कोरोनाचा (Coronavirus) प्रसार रोखण्यासाठी सध्या जगभरातील 180 देशांमध्ये लॉकडाऊन (lockdown) घोषित करण्यात आला आहे. मात्र काही देशांमध्ये लॉकडाऊन हटवण्याची मागणी जोर धरत आहे. यात सर्वात जास्त मृतांची संख्या असलेल्या अमेरिकेत परिस्थिती भयंकर आहे. लॉकडाऊन हटविण्याच्या दिशेने जाण्यासाठी अमेरिकेचे राष्ट्राध्यक्ष डोनाल्ड ट्रम्प (Donald trump) सतत अमेरिकन राज्यांवर दबाव आणत आहेत. दरम्यान, गुरुवारी अमेरिकेत कोरोनाव्हायरसचे 30 हजार 000हून अधिक नवीन रुग्ण आढळले आहेत, तर 2200 हून अधिक लोकांचा मृत्यूही झाला आहे. तर, दुसरीकडे लॉकडाऊनविरोधात देशभर आंदोलन तीव्र होत आहे. गुरुवारी, मिशिगनमधील काही आंदोलक हातात बंदूक घेऊन लॉकडाऊनचा निषेध करताना दिसले. VIDEO : घर सोडून परदेशात गेला मालक, 3 वर्ष अंगणात बसून वाट पाहतोय त्यांचा श्वान आतापर्यंत अमेरिकेत कोरोना संसर्गाची 10 लाख 95 हजारहून अधिक प्रकरणे नोंदवली गेली आहेत तर सुमारे 63 हजार 800 लोकांना या संसर्गामुळे आपला जीव गमवावा लागला आहे. देशात 8 लाख 78 हजार पेक्षा जास्त सक्रिय प्रकरणे आहेत तर 15 हजारहून अधिक लोकांची प्रकृती अद्याप गंभीर आहे. लॉकडाऊनविरोधात निषेध व्यक्त करणाऱ्या लोकांना ट्रम्पचा पाठिंबा मिळाल्यानंतर आता हा निषेध देशाच्या बर्‍याच भागात पसरला आहे. बंदूक घेऊन पोहचले समर्थक गुरुवारी लॉकडाऊनविरोधात झालेल्या निदर्शनात बंदूक घेऊन अनेक लोक आले. बंदुकींसह सशस्त्र या निदर्शकांनी मिशिगनच्या कॅपिटल इमारतीत प्रवेश केला त्यानंतर पोलिसांसोबत त्यांचा संघर्ष झाला. वृत्तसंस्था एएफपीने दिलेल्या वृत्तानुसार, या लोकांच्या हातात फक्त बंदूकच नव्हती तर सर्वांनी बुलेटप्रुफ जॅकेटसुद्धा परिधान केले. ते मिशिगनमध्ये सुरू असलेला लॉकडाऊन हटवण्याची मागणी राज्यपालांकडे करण्यासाठी आले होते.
Armed US protesters enter Michigan capitol to demand lockdown endhttps://t.co/4H40S9a7CH pic.twitter.com/v28qUyUF8q
— AFP News Agency (@AFP) May 1, 2020
सिनेटचा सदस्य डायना पोलेहंकी यांनी ट्विट केले की सशस्त्र निषेध करणार्‍यांनी निर्भयपणे बंदुका दाखवल्या आहेत. त्याच्या सहका्यांनी बुलेटप्रुफ जॅकेटसुद्धा परिधान केले. निषेध करणार्‍या संस्थेचे नाव युनायटेड फॉर लिबर्टी असे म्हटले जात आहे आणि ते रिपब्लिकन समर्थक मानले जाते. आपल्या पिल्ल्यांसोबत जात होता हत्ती समोरून आली दुचाकी पुढे काय झालं पाहा VIDEO 35 राज्याचे कामकाज सुरू करणार डोनाल्ड ट्रम्प यांच्या मते, अमेरिकेतील 50 पैकी कमीत कमी 35 राज्यांमध्ये कामकाज पुन्हा सुरू करण्यात येणार आहे. याची अधिकृत घोषणा करण्यात आलेली नाही. अमेरिकेचे उपराष्ट्रपती माइक पेन्स रीपीट पेन्स म्हणाले, “मला सांगण्यात आले की 35 राज्यांनी काम पुन्हा सुरू करण्यासाठी औपचारिक योजना जारी केल्या आहेत.” दुसरीकडे ट्रम्प यांनी ‘ओपन अमेरिका अगेन’ योजनेत लॉकडाऊन संदर्भात माहिती दिली होती.
+6
फोटो
