अमेरिकेत उद्योग सुरू होणार, 45 हजार मृत्यू झाले असतानाच डोनाल्ड ट्रम्प यांची मोठी घोषणा

अमेरिकेत उद्योग सुरू होणार, 45 हजार मृत्यू झाले असतानाच डोनाल्ड ट्रम्प यांची मोठी घोषणा

अमेरिकेमध्ये कोरोनाबाधित झालेल्यांची एकूण संख्या 8,24,600 एवढी आहे. तर आतापर्यंत 45,290 जणांचा मृत्यू झाला आहे.

  • Share this:

वॉशिंग्टन 22 एप्रिल: अमेरिकेत कोरोनाने हाहाकार माजवलाय. 45 हजारांपेक्षा जास्त जणांचा मृत्यू झाला आहे. तर 8 लाख 26 हजार जणांना कोरोनाची लागण झाली. जगात सर्वात शक्तिशाली असलेल्या अमरिकेच्या अर्थव्यवस्थेला जबर फटका बसलाय. दुहेरी संकटात सापडलेल्या अमेरिकेला सावरण्यासाठी अध्यक्ष डोनाल्ड ट्रम्प यांनी मोठी घोषणा केली आहे. अमेरिकेचे उद्योग-व्यवसाय पुन्हा सुरू होणार असल्याचं त्यांनी जाहीर केलं आहे.

अमेरिका सुरक्षीतपणे पुर्वपदावर येत आहे. आम्ही अर्थव्यवस्था पुन्हा खुली करत आहोत. देशातल्या ज्येष्ठ नागरिकांची आम्ही काळजी घेत होतो आणि घेत राहू त्याला आमचं प्राधान्य आहे. त्यांच्या जीवांची आम्हाला सर्वात जास्त काळजी आहे असंही त्यांनी म्हटलं आहे.

कोरोनाविरुद्ध लढण्यासाठी फक्त लॉकडाऊन हाच उपाय नाही. त्यामुळे देशाला मोठ आर्थिक फटका बसतो. त्यामुळे नागरिकांचं प्रचंड नुकसान होतं. त्यामुळे कोरोनाशी लढत असतानाच अर्थचक्र पुन्हा सुरू केलं पाहिजे असा सल्ला त्यांना तज्ज्ञांनी दिला होता. त्यामुळेच ट्रम्प यांनी ही घोषणा केली. अमेरिकेतल्या अनेक राज्यांनीही लॉकडाऊनला विरोध केला होता.

दरम्यान अमेरिकेचे राष्ट्राध्यक्ष डोनाल्ड ट्रम्प यांंनी चीनबरोबर सर्व ट्रेड डील संपवून टाकण्याची धमकी दिली आहे. जर कोरोना व्हायरसचा जगभरात प्रसरण करण्यात चीन दोषी आढळला तर याचे परिणाम चीनला भोगावे लागतील अशी धमकी डोनाल्ड ट्रम्प यांनी दिली आहे.

कोरोना व्हायरस संक्रमित झालेल्यांचा चीनमधील आकडा 82 हजार 788 आहे तर मृतांची संख्या 4,632 इतकी आहे. मात्र अमेरिकेमध्ये ही संख्या कित्येक पटींनी अधिक आहे. अमेरिकेमध्ये कोरोनाबाधित झालेल्यांची एकूण संख्या 8,24,600 एवढी आहे. तर आतापर्यंत 45,290 जणांचा मृत्यू झाला आहे. COVID-19 मुळे मृत्यू झालेल्यांची संख्या अमेरिकेमध्ये सर्वाधिक आहे.

(हे वाचा-'जर हे खरं असेल तर...', किम यांच्या प्रकृतीबाबत ट्रम्प यांनी दिली प्रतिक्रीया)

डोनाल्ड ट्रम्प यांनी साल 2018 मध्ये चीनबरोबर ट्रेडवॉर सुरू केले होते. त्यानंतर अमेरिका आणि चीनमध्ये ट्रे़डवॉर वाढलं. अमेरिकेने चिनी वस्तूंवरील टेरिफ शूल्क वाढवले, त्याला उत्तर म्हणून चीनने देखील टेरिफ शूल्क वाढवले होते. त्यामुळे दोन्ही देशांमध्ये व्यापारामध्ये कटूता निर्माण झाली होती. दोन्ही देश माघार घेण्यासाठी तयार नव्हते. शेवटी जानेवारीमध्ये दोन्ही देशांनी व्यापारात निर्माण झालेली कटूता विसरत पहिल्या टप्प्यातील ट्रेड डीलवर स्वाक्षऱ्या करण्यात आल्या. ज्यामुळे अर्थव्यवस्था रुळावर आणण्यास मदत झाली आहे.

First published: April 22, 2020, 6:14 PM IST

ताज्या बातम्या

corona virus btn
corona virus btn
Loading