WhatsApp मध्ये येणार भन्नाट फिचर्स; चॅटिंगसह मिळणार या नव्या सुविधा

मुंबई, 5 एप्रिल : फेसबुकचा (Facebook) इन्स्टंट मेसेजिंग प्लॅटफॉर्म (Instant Messaging Platform) व्हॉट्सऍप (WhatsApp) नेहमीच आपल्या युजर्ससाठी नवनवीन फीचर्स (Features) आणण्याचा प्रयत्न करत असते. व्हॉट्सऍप सध्या अनेक फीचर्सवर काम करत असून, काही भन्नाट फीचर्स लवकरच दाखल होण्याची शक्यता आहे. वापरण्यासाठी सहज सुलभ, खर्च नाही आणि नवनवीन फीचर्समुळे येणारी रंजकता यामुळे जगभरात व्हॉट्सऍप प्रसिद्ध आहे. तरुणवर्गापासून ते अगदी ज्येष्ठ नागरिकांपर्यंत सर्वांकडे आता व्हॉट्सऍप असल्याचे दिसून येते. सकाळी उठल्यावर पहिल्यांदा मोबाइलवर व्हॉट्सऍप मेसेज बघितल्याशिवाय अनेकांचा दिवस सुरू होत नाही. असे हे व्हॉट्सऍप लवकरच काही भन्नाट फिचर दाखल करणार असल्याचं कंपनीनं जाहीर केलं आहे. त्यामुळे युजर्समध्ये या नवीन फिचर्सबाबत प्रचंड उत्सुकता निर्माण झाली आहे.

यापैकी एक फिचर असे आहे की आता व्हॉट्सऍप युजर्सना चॅट बॉक्समधील (Chat box) रंग (Color) बदलता येणार आहेत, म्हणजेच व्हॉट्सऍप चॅट बॉक्स आता रंगीबेरंगी दिसू शकेल. तर स्क्रीनवर दिसणाऱ्या मजकूरासाठी डार्क हिरवा रंग (Dark Green Color) वापरता येणार आहे. या फीचरमुळे चॅट करताना युजर्सना मजा येणार आहे. व्हॉट्सऍप डब्ल्यूएबीटाइन्फो (WA Beta Info) या वेबसाइटवर एका ट्वीटद्वारे ही माहिती देण्यात आली आहे. हे आगळंवेगळं फिचर कधी दाखल होईल, याबाबत मात्र कोणतीही अधिकृत घोषणा करण्यात आलेली नाही.

WhatsApp ओपन न करताच समजेल कोण ऑनलाईन आहे; जाणून घ्या ही सोपी ट्रिक

तसेच आणखी एक फिचर येणार आहे ते म्हणजे युजर्सना त्यांच्या सोयीनुसार व्हॉईस मेसेजेसची प्लेबॅक गती बदलता येणार आहे. सध्या बीटामध्ये असलेले हे फिचर आयओएस युजर्ससाठी विकसित केले जात आहे. अनेकदा मेसेज टाईप करायला पुरेसा वेळ नसतो अथवा कंटाळा येतो, यामुळे अशा युजर्सना आता टाईप न करताही मेसेज पाठवता येणार आहे.

गेल्याच महिन्यात व्हॉट्सऍपनं आपल्या डेस्कटॉप ऍपसाठी (Desktop App) व्हॉईस (Voice) आणि व्हिडिओ कॉलिंग (Video Calling) ही फीचर्स दाखल केली होती. डेस्कटॉप ऍपवरील व्हिडिओ कॉलिंग फिचर पोर्ट्रेट आणि लँडस्केप ओरिएन्टशनसाठी योग्य ठरेल, असंही व्हॉट्सऍपने स्पष्ट केलं होतं. व्हिडिओ कॉलिंग दरम्यान, व्हिडिओ डेस्कटॉपच्या स्क्रीनवरील रीसायजेबल स्टँडअलोन विंडोमध्ये दिसून येतो आणि तो अगदी टॉपवर असतो, त्यामुळे युजर्सना आपलं चॅट न दिसण्याची भीती उरत नाही. सध्या व्हॉईस आणि व्हिडीओ कॉलिंग केवळ वन टू वन चॅटसाठी उपलब्ध आहे, नंतर ते ग्रुप चॅटमध्ये उपलब्ध होईल. अँड्रॉइड आणि आयओएस युजर्सना व्हॉट्सअ‍ॅपवर एकाच व्हॉईस किंवा व्हिडिओ कॉल दरम्यान आठ जणांचा समावेश करता येईल.