)
नवी दिल्ली, 24 डिसेंबर : आधारकार्ड संदर्भात एक महत्त्वाची बातमी समोर आली आहे. युनिक आयडेंटिफिकेशन अथॉरिटी ऑफ इंडिया (UIDAI) ने म्हटले आहे की ज्या रहिवाशांना 10 वर्षांपूर्वी युनिक आयडेंटिफिकेशन नंबर मिळाला आहे. त्यांनी या कालावधीत कधीही त्यांच्या कागदपत्रांमध्ये सुधारणा केली नसेल तर त्यांनी नवीन माहिती अपडेट करणे आवश्यक आहे. निवेदनात म्हटले आहे की, “ज्या रहिवाशांनी 10 वर्षांपूर्वी त्यांचे आधार कार्ड बनवले होते आणि या वर्षांत ते कधीही अपडेट केलेले नाही, अशा आधार धारकांनी त्यांची कागदपत्रे अपडेट करावीत.” आजच्या काळात आधार कार्ड हे आपल्या सर्वांसाठी एक महत्त्वाचे डॉक्युमेंट झाला आहे, ज्याशिवाय आपण सरकारी कामांचा विचारही करू शकत नाही. अनेक सरकारी योजना आणि सेवांचा लाभ घेण्यासाठी लोक आधार क्रमांकाचा वापर करत आहेत. तुम्ही अशा प्रकारे अपडेट करू शकता UIDAI ने एका निवेदनात म्हटले आहे की, आधार धारक ‘माय आधार पोर्टल’ द्वारे सहाय्यक कागदपत्रे (ओळख आणि पत्त्याचा पुरावा) ऑनलाइन अपडेट करू शकतात. याशिवाय, त्यांना हवे असल्यास, ते आधार केंद्रावर जाऊन त्यांची विशिष्ट ओळख माहिती ऑफलाइन देखील बदलू शकतात. वाचा - SIM Cardशी संबंधित ‘ही’ चूक येईल अंगलट, खावी लागेल तुरुंगाची हवा आधारमध्ये नाव किती वेळा बदलता येईल? आधार कार्डमध्ये 12-अंकी विशिष्ट क्रमांक असतो, जो संबंधित नागरिकाची माहिती उघड करतो. यामध्ये पत्ता, पालकांचे नाव, वय यासह अनेक तपशील आहेत. UIDAI ने कोणत्याही आधार कार्ड धारकासाठी नाव बदलण्याची मर्यादा निश्चित केली आहे. UIDAI नुसार, आधार कार्डधारक त्याच्या आधार डेटामध्ये त्याचे नाव त्याच्या आयुष्यात फक्त दोनदा बदलू शकतो.
सरकारी योजनांसाठी आधार आवश्यक गेल्या दशकभरात, आधार क्रमांक हा भारतातील रहिवाशांसाठी ओळखीचा स्वीकारलेला पुरावा म्हणून उदयास आला आहे. केंद्र सरकारद्वारे चालवल्या जाणाऱ्या 319 योजनांसह 1,100 हून अधिक सरकारी योजना आणि कार्यक्रमांमध्ये आधार ओळख म्हणून स्वीकारली जाते. तसेच, अनेक वित्तीय संस्था जसे की बँका, NBFC इत्यादी ग्राहकांना प्रमाणीकृत करण्यासाठी आणि ऑनबोर्ड करण्यासाठी आधार वापरतात.
+6
फोटो
