UIDAI ने रद्द केली 6 लाख Aadhaar Card, ‘या’ कारणामुळं सरकारनं उचललं पाऊल

मुंबई, 23 जुलै : आजच्या काळात सर्वात महत्वाच्या कागदपत्रांमध्ये आधार कार्डची (Aadhaar Card) गणना केली जाते. अनेक कामांसाठी आधार कार्डची गरज भासते. आधार कार्डच्या मदतीनं  एखाद्याला त्याच्या पात्रतेनुसार सरकारी सेवांचा लाभ मिळू शकतो. मात्र काही काळापासून सरकारकडे डुप्लिकेट आधार कार्डाबाबत अनेक तक्रारी येत होत्या. यावर कारवाई करत, आधार कार्ड जारी करणारी संस्था युनिक आयडेंटिफिकेशन ऑथॉरिटी ऑफ इंडियानं (UIDAI) कठोर पाऊल उचलत 5,98,999 आधार कार्ड रद्द  (UIDAI cancels 6 lakh Aadhaar cards) केली आहेत. इलेक्ट्रॉनिक्स आणि माहिती तंत्रज्ञान राज्यमंत्री राजीव चंद्रशेखर यांनी लोकसभेतील विरोधी पक्षनेत्यांनी विचारलेल्या प्रश्नाला उत्तर देताना सांगितले की, डुप्लिकेट आधार कार्डची समस्या दूर करण्यासाठी UIDAI सातत्यानं पावलं उचलत आहे. यासोबतच हे रोखण्यासाठी उचललेल्या पावलांची माहिती देताना ते म्हणाले की, आता आधार कार्डमध्ये फेस व्हेरिफिकेशनचं फिचर जोडण्यात आले आहे. म्हणजेच आता आधार कार्ड पडताळणीसाठी चेहराही वापरला जाणार आहे. आतापर्यंत आधार कार्ड पडताळणीसाठी फक्त बोटांचे ठसे आणि डोळे वापरले जातात. हेही वाचा:  Solar AC: एसी कितीही वापरला तरी वीज बिल येईल शून्य; वाचा सविस्तर आधार कार्ड संबंधित सेवांवर दावा करणाऱ्या बनावट वेबसाइटला नोटीस – चंद्रशेखर यांनी दुसर्‍या प्रश्नाच्या उत्तरात सांगितले की, आधारशी संबंधित सेवांचा दावा करणाऱ्या बनावट वेबसाइट्सना UIDAI कडून नोटिसा पाठवण्यात आल्या आहेत. त्यामुळे त्यांना कोणत्याही प्रकारची सेवा देण्यास मनाई करण्यात आली आहे. यासोबतच या वेबसाइट्सच्या होस्टिंग सर्व्हिस प्रोव्हायडरला सांगण्यात आले की, त्या तात्काळ ब्लॉक करण्यात आल्या आहेत. यासोबतच, जानेवारी 2022 पासून सरकारनं अशा 11 वेबसाइट्सना आधार कार्डची सेवा देण्यापासून ब्लॉक केलं आहे. ते म्हणाले की यापैकी कोणत्याही वेबसाइटवर कोणत्याही नागरिकाला आधार कार्ड नोंदणी करण्याचा, बायोमेट्रिक बदलण्याचा आणि मोबाइल नंबर बदलण्याचा अधिकार नाही. ते पुढे म्हणाले की, जर लोकांना त्यांच्या आधार कार्डमधील पत्ता, मोबाईल नंबर किंवा फोटो बदलायचा असेल तर त्यांना आधार कार्ड केंद्र किंवा UIDAI वेबसाइटला भेट द्यावी लागेल.

• Follow us on