कोरोनाच्या लढाईतही विराटनं केलं टार्गेट पूर्ण, 7 दिवसांमध्ये जमवले इतके पैसे

मुंबई, 14 मे : कोरोना व्हायरसच्या (corona virus) दुसऱ्या लाटेचा सध्या भारत सामना करत आहे. कोरोनाविरुद्धच्या लढाईत समाजातील प्रत्येक जण आपल्यापरीनं मदत करत आहे. यामध्ये टीम इंडियाचा कॅप्टन विराट कोहली (Virat Kohli) आणि पत्नी अनुष्का शर्मा (Anuska Sharma) यांचा देखील समावेश आहे. या जोडप्यानं कोरोनाग्रस्तांच्या मदतीसाठी 7 मे पासून अभियान चालवलं. यामध्ये त्यांनी आठवडाभराच्या आताच 11 कोटी जमा केले आहेत. विराट आणि अनुष्का यांनी देखाल या मोहिमेसाठी  त्यांच्याकडून दोन कोटी रुपये दान केले आहेत.

विराट आणि अनुष्कानं या मोहिमेसाठी सुरुवातीला 7 कोटी जमा करण्याचं टार्गेट ठेवलं होतं. पण, या अभियानाला मिळालेला प्रतिसाद पाहून हे लक्ष्य 11 कोटी करण्याचं ठरवलं. विराटनं हे अभियान समाप्त होताच लोकांचे ट्विट करुन आभार मानले आहेत. विराटनं सांगितलं की, "माझ्याकडं भावना व्यक्त करण्यासाठी शब्द कमी आहेत. आम्ही आमचं लक्ष्य एकदा नाही तर दोनदा पूर्ण केलं. या मोहिमेमध्ये सहभागी झालेल्या प्रत्येकाचे आभार. ज्या व्यक्तींनी यामध्ये कोणत्याही प्रकारे दान केले असेल त्यांचे आभार व्यक्त करतो.

Words fall short to express how overwhelmed we feel to have exceeded our target not once, but twice, thanks to each one of you. To everyone who has donated, shared, & helped in any way, I want to say a big thank you. We are #InThisTogether & we will overcome this together. pic.twitter.com/M7NeqDc532

— Virat Kohli (@imVkohli) May 14, 2021

अनुष्का शर्मानं देखील कोरोना विरुद्धच्या लढाईत सहभागी झालेल्या सर्वांचे आभार मानले आहे. "या चांगल्या कामासाठी तुम्ही जी एकजूट दाखवली, त्याबद्दल मी कृतज्ञ आहे. आम्ही सुरुवातीचे लक्ष्य पूर्ण केले हे सांगायला मला अभिमान आहे. आयुष्य वाचवण्यासाठी याची मदत होईल. भारतीय लोकांसाठी मदत करणाऱ्या सर्वांचे आभार."

Truly amazed and humbled by the spirit of solidarity that you all have shown. We are proud to announce that we have raised more than our initial target and it will go a long way to save lives. Thank you for your overwhelming support in helping the people of India. pic.twitter.com/yqi2Qfjvry

— Anushka Sharma (@AnushkaSharma) May 14, 2021

विराट कोहली आणि अनुष्का शर्माच्या या अभियानाला एमपीएल स्पोर्ट्स फाऊंडेशनने सर्वाधिक पाच कोटी रुपयांची मदत केली आहे. यानंतर विराटने ट्वीट करून फाऊंडेशनचे आभार मानले होते.