Women T20 Challenge च्या तीन टीमची घोषणा, पण टीम इंडियाच्या दिग्गजच बाहेर!

मुंबई, 16 मे : बीसीसीआयने (BCCI) आयपीएल 2022 दरम्यान (IPL 2022) होणाऱ्या महिला टी-20 चॅलेंजच्या (Women T20 Challenge) टीमची घोषणा केली आहे. या स्पर्धेसाठी सुपरनोवाज टीमचं नेतृत्व हरमनप्रीत कौरकडे, ट्रेलब्लेजर्सचं नेतृत्व स्मृती मंधानाकडे आणि व्हेलॉसिटी टीमचं नेतृत्व दीप्ती शर्माकडे देण्यात आलं आहे. या तीन टीमची निवडही करण्यात आली आहे, प्रत्येक टीममध्ये 16 खेळाडू असणार आहेत. आयपीएल 2022 च्या अखेरच्या आठवड्यात महिला टी-20 चॅलेंजचं आयोजन करण्यात आलं आहे. स्पर्धेचं हा पाचवा सिझन आहे. 23 ते 28 मे दरम्यान पुण्याच्या एमसीए स्टेडियममध्ये सगळ्या मॅच खेळवल्या जाणार आहेत. बीसीसीआयने टीम इंडियाची कर्णधार मिताली राज (Mithali Raj) आणि फास्ट बॉलर झूलन गोस्वामीला (Jhulan Goswami) या स्पर्धेतून आराम दिला आहे. महिला टी-20 चॅलेंजमध्ये भारतीय महिला क्रिकेट टीमशिवाय, इंग्लंड, ऑस्ट्रेलिया, वेस्ट इंडिज आणि दक्षिण आफ्रिकेच्या 12 महिला खेळाडू सहभागी होणार आहेत. महिला टी-20 चॅलेंजची ओपनिंग मॅच 23 मे रोजी सुपरनोवाज आणि ट्रेलब्लेजर्स यांच्यात होणार आहे. संध्याकाळी 7.30 वाजता या सामन्याला सुरूवात होईल. 24 मे रोजी सुपरनोवाज आणि व्हेलॉसिटी यांच्यात 3.30 वाजता मॅच होणार आहे. 26 मे रोजी व्हेलॉसिटी आणि ट्रेलब्लेजर्स यांत्यात तिसरी मॅच खेळवली जाईल. 28 मे म्हणजेच रविवारी टी-20 चॅलेंजची फायनल खेळवली जाणार आहे. महिला टी-20 चॅलेंजच्या टीम सुपरनोवाज : हरमनप्रीत कौर (कर्णधार), तानिया भाटिया, एलाना किंग, आयुषी सोनी, चंदू वी, डिएंड्रा डॉटिन, हरलीन देओल, मेघना सिंग, मोनिका पटेल, मुस्कान मलिक, पूजा वस्त्राकर, प्रिया पुनिया, राशि कनोजिया, सोफी एक्लेस्टोन, सुन लुस, मानसी जोशी. ट्रेलब्लेजर्स : स्मृति मंधाना (कर्णधार), पूनम यादव, अरुंधती रेड्डी, हॅली मॅथ्यूज, जेमिमाह रोड्रिग्स, प्रियांका प्रियदर्शिनी, राजेश्वरी गायकवाड, रेणुका सिंग, ऋचा घोष, एस मेघना, सैका इशाक, सलमा खातून, शर्मिन अख्तर, सोफिया ब्राउन, सुजाता मलिक, एसबी पोखरकर. व्हेलॉसिटी : दीप्ती शर्मा (कर्णधार), स्नेह राणा, शेफाली वर्मा, अयाबोंगा खाका, केपी नवगीर, कॅथरीन क्रॉस, कीर्ती जेम्स, लौरा वोलवार्ड, माया सोनवणे, नत्थाकन चंतम, राधा यादव, आरती केदार, शिवाली शिंदे, सिमरन बहादुर, यास्तिका भाटिया, प्रणवी चंद्रा.

• Follow us on