)
मुंबई, 28 एप्रिल : जगप्रसिद्ध क्रिकेट लीग असलेली इंडियन प्रीमियर लीग या स्पर्धेचा 16 वा सीजन आता रंगात येऊ लागला आहे. प्रेक्षकांना दररोज रोमांचक सामने पाह्यलं मिळत असून यात देशविदेशातील स्टार खेळाडूंनी सहभाग नोंदवला आहे. स्पर्धा असली तरी अनेकदा विरुद्ध संघांचे खेळाडू मैदानावर एकमेकांसोबत मजा मस्ती करताना दिसतात. तेव्हा पंजाब किंग्स विरुद्ध लखनऊ सुपर जाएंट्सच्या खेळाडूंमधील असाच एक व्हिडिओ समोर आला आहे. आयपीएल 2023 मध्ये 38 वा सामना पंजाब किंग्स विरुद्ध लखनऊ सुपर जाएंट्स यांच्यात होणार आहे. पंजाब क्रिकेट असोसिएशनच्या स्टेडियमवर हा सामना खेळवला जाणार असून या सामन्याच्या सरावासाठी पंजाब आणि लखनऊची टीम एकत्र आली होती. या दरम्यान लखनऊ सुपर जाएंट्सचा धाकडं फलंदाज निकोलस पूरन आणि अर्शदीप सिंह या दोघांमध्ये मॅचनंतर पार्टी करण्यासंदर्भात चर्चा झाली. या चर्चेत निकोलस याने पार्टीत दाल मखनी, बटर चिकन, दाल बाटी चुरमा हे पदार्थ खाण्याची मागणी केली. यावर निकोलसच्या हिंदी उच्चरांवरून सर्वजण त्याची मजा घेताना दिसले.
Mohali checklist for @nicholas_47: Sixes & dal makhani 😂 pic.twitter.com/xLs10Bl0ox
— Lucknow Super Giants (@LucknowIPL) April 27, 2023
निकलोसने अर्शदीपला सांगितले की पार्टीच्या ठिकाणी जाण्याचा खर्च आम्ही करतो, बाकी तेथील खाण्याचं बिल तू दयायचे. व्हिडिओमध्ये अर्शदीपने निकोलसची ही मागणी मान्य केली. लखनऊ जाएंट्सने दोन्ही संघातील हा मजेदार व्हिडिओ सोशल मीडियावर पोस्ट केला असून चाहते यावर विविध प्रतिक्रिया व्यक्त करीत आहेत.
+6
फोटो
