)
मुंबई, 22 एप्रिल : आयपीएल 2023 मध्ये शनिवारी 30 वा सामना गुजरात टायटन्स विरुद्ध लखनऊ सुपर जाएंट्स यांच्यात खेळवण्यात आला होता. या सामन्यात गुजरातने लखनऊचा पराभव केला आहे. गुजरात टायटन्सने लखनऊ सुपर जाएंट्सवर 7 धावांनी विजय मिळवला असून यंदाच्या आयपीएल मधील 4 था सामना जिंकला आहे. ऐकना क्रिकेट स्टेडियमवर गुजरात टायटन्स विरुद्ध लखनऊ सुपर जाएंट्स यांच्यात सामना खेळवण्यात आला. या सामन्यात प्रथम फलंदाजी करताना गुजरातने 20 ओव्हरमध्ये 6 विकेट्स गमावून 135 धावा केल्या. गुजरातकडून हार्दिक पांड्याने 66, रिद्धिमान साहाने 47, विजय शंकरने 10 धावा केल्या इतर कोणत्याही खेळाडूला दोन अंकी धाव संख्या करता आली नाही. लखनऊच्या गोलंदाजांनी गुजरातच्या 6 विकेट्स घेतल्या यात कृणाल पांड्या आणि मार्कस स्टॉइनिसने प्रत्येकी 2 विकेट्स घेतल्या तर अमित मिश्रा आणि नवीनने प्रत्येकी 1 विकेट घेतली. गुजरातने लखनऊला विजयासाठी 136 धावांचे आव्हान दिले होते.
लखनऊ सुपर जाएंट्सकडून विजयाचं लक्ष पूर्ण करण्यासाठी कर्णधार केएल राहुल आणि काइल मेयर्स हे दोघे मैदानात उतरले. केएल राहुलने संघासाठी झुंजार खेळी करत तब्बल 68 धावा केल्या यात त्याने आयपीएलमधील 32 वे अर्धशतक ठोकले. राहुल वगळता लखनऊकडून काइल मेयर्सने 24, कृणाल पांड्याने 23 धावा केल्या. मात्र लखनऊ सुपर जाएंट्सचा संघला 20 ओव्हरमध्ये 128 धावाच करता आल्या.
+6
फोटो
