16:23 (IST)
पहिल्या टेस्टमध्ये टीम इंडियाचा 113 रननी दणदणीत विजय, अश्विनने लागोपाठ दोन बॉलला दोन विकेट घेऊन भारताला जिंकवलं. दक्षिण आफ्रिकेचा 191 रनवर ऑल आऊट, बुमराह-शमीला प्रत्येकी 3-3 विकेट, तर सिराज-अश्विनला 2-2 विकेट घेण्यात यश
स्पोर्ट्स
DOWNLOAD APP
Choose your district
- मराठी बातम्या »
- बातम्या »
- स्पोर्ट्स »
- IND vs SA 1st Test : सेंच्युरियनमध्ये टीम इंडियाने इतिहास घडवला, 'विराट'सेनेचा दणदणीत विजय
IND vs SA 1st Test : सेंच्युरियनमध्ये टीम इंडियाने इतिहास घडवला, 'विराट'सेनेचा दणदणीत विजय
दक्षिण आफ्रिकेविरुद्धच्या पहिल्या टेस्टच्या अखेरच्या दिवशी भारताला (India vs South Africa 1st Test Day 5) विजयासाठी आणखी 6 विकेटची गरज होती
हाइलाइट्स
16:20 (IST)
दक्षिण आफ्रिकेला नववा धक्का, कागिसो रबाडा शून्य रनवर आऊट, अश्विनला मिळाली मॅचमधली पहिली विकेट, भारताला विजयासाठी एका विकेटची गरज
16:17 (IST)
दक्षिण आफ्रिकेला 8 वा धक्का, मार्को जेनसन 13 रनवर आऊट, शमीने घेतली विकेट, भारताला विजयासाठी आणखी 2 विकेटची गरज
15:34 (IST)
पाचव्या दिवसाच्या लंचपर्यंत दक्षिण आफ्रिकेचा स्कोअर 182/7, भारताला विजयासाठी आणखी 3 विकेटची गरज, तर दक्षिण आफ्रिकेला आणखी 123 रनचं आव्हान, टेम्बा बऊमा 34 रनवर तर मार्को जेनसन 5 रनवर नाबाद.
15:11 (IST)
दक्षिण आफ्रिकेला लागोपाठ दोन धक्के, क्विंटन डिकॉक पाठोपाठ मलडरही आऊट, दक्षिण आफ्रिकेचा स्कोअर 164/7, भारताला विजयासाठी आणखी 3 विकेटची गरज
14:23 (IST)
दक्षिण आफ्रिकेला पाचवा धक्का, डीन एल्गारला जसप्रीत बुमराहने केलं एलबीडब्ल्यू, दक्षिण आफ्रिकेचा स्कोअर 131/5, अजूनही विजयासाठी 174 रनची गरज
सेंच्युरियन, 30 डिसेंबर : दक्षिण आफ्रिकेविरुद्धच्या पहिल्या टेस्टच्या अखेरच्या दिवशी भारताला (India vs South Africa 1st Test Day 5) विजयासाठी आणखी 6 विकेटची गरज आहे. पाचव्या दिवसाचा खेळ दक्षिण आफ्रिकेने 94/4 असा सुरू केला आहे, त्यामुळे त्यांना विजयासाठी आणखी 211 रनची गरज आहे. डीन एल्गार 52 रनवर नाबाद खेळत आहे.
भारताने दिलेल्या 305 रनच्या आव्हानाचा पाठलाग करण्यासाठी आलेल्या दक्षिण आफ्रिकेची सुरुवात दुसऱ्या इनिंगमध्येही खराब झाली. एडन मार्करम एक रन करूनच आऊट झाला. तर कीगन पीटरसन 17 आणि रस्सी व्हॅन डर डुसेन 11 रन करून माघारी परतला. नाईट वॉचमन म्हणून बॅटिंगला आलेला केशव महाराज आऊट झाल्यानंतर दिवसाचा खेळ थांबवण्यात आला. भारताकडून जसप्रीत बुमराहला (Jasprit Bumrah) 2 तर मोहम्मद शमी (Mohammad Shami) आणि मोहम्मद सिराज (Mohammad Siraj) यांना प्रत्येकी 1-1 विकेट मिळाली.
त्याआधी भारताचा दुसऱ्या इनिंगमध्ये 174 रनवर ऑल आऊट झाला. पहिल्या इनिंगमध्ये मिळालेल्या 130 रनच्या आघाडीमुळे भारताने दक्षिण आफ्रिकेला विजयासाठी 305 रनचं आव्हान दिलं. दुसऱ्या इनिंगमध्ये भारताकडून ऋषभ पंतने सर्वाधिक 34 रन केले. दक्षिण आफ्रिकेकडून कागिसो रबाडा आणि मार्को जेनसनला प्रत्येकी 4-4 विकेट घेण्यात यश आलं.
सेंच्युरियन टेस्टमध्ये विजय मिळवण्यासाठी आता भारताला अखेरच्या दिवशी आणखी 6 विकेटची गरज आहे, पण इथलं हवामान भारतीय टीमच्या स्वप्नावर पाणी टाकू शकतं. गुरुवारी सेंच्युरियनमध्ये पावसाचा अंदाज हवामान खात्याने वर्तवला आहे. याआधी मॅचच्या दुसऱ्या दिवशीही पावसामुळे खेळ होऊ शकला नव्हता.
