IPL 2022: CSK क्विन्सचा थाट भारी! मैदानात आणि राजकारणात दोन्हीकडे सुपरहिट

नवी दिल्ली, 25 मार्च: आयपीएल (IPL 2022) 26 मार्चपासून सुरू होत आहे. अशातच महेंद्र सिंह धोनीने सीएसकीची धुरा रविंद्र जडेजाच्या हाती सोपावत चाहत्यांना धक्का दिला. सीएसके हा संघ नेहमीच या ना त्या कारणाने चर्चेत असतो. संघातील अनेक खेळाडू असे आहेत ज्यांच्या पत्नीदेखील प्रकाशझोतात कायम असतात. या यादीत रवींद्र जडेजा, अंबाती रायडू, रॉबिन उथप्पा आणि दीपक चहर यांचाही समावेश आहे.

साक्षी धोनी

महेंद्रसिंग धोनीने 4 जुलै 2010 रोजी साक्षी रावतसोबत लग्न करून सर्वांना चकित केले. साक्षीने एकदा इंस्टाग्रामवर एक फोटो शेअर करून सांगितले की तिची आणि धोनीची पहिली भेट डिसेंबर 2007 मध्ये झाली होती. यानंतर सुमारे अडीच वर्षांनी दोघांनी जुलै 2010 मध्ये लग्न केले.

धोनी आणि साक्षी लहानपणी एकाच शाळेत शिकले होते हे फार कमी लोकांना माहीत असेल. दोघेही डीएव्ही श्यामली शाळेत एकत्र शिकायचे.

2007 मध्ये धोनी आणि साक्षीची पहिली भेट कोलकात्याच्या ताज बंगाल हॉटेलमध्ये झाली होती. टीम इंडिया त्याच हॉटेलमध्ये थांबली होती. साक्षी हॉटेल मॅनेजमेंटमध्ये इंटर्नशिप करत होती. विशेष म्हणजे साक्षीचा इंटर्नशिपचा शेवटचा दिवस होता.

रवींद्र जडेजाच्या पत्नी रिवा सोलंकी या मेकॅनिकल इंजिनिअर आणि भाजपच्या नेत्या आहे

भारतीय संघाचा अष्टपैलू खेळाडू रवींद्र जडेजाने 2016 मध्ये रिवा सोलंकीशी लग्न केले. रवींद्र जडेजा पुन्हा एकदा 9 मार्च 2022 रोजी जगातील पहिला कसोटी अष्टपैलू खेळाडू बनला. जडेजा जसा अष्टपैलू आहे, तशीच त्याची पत्नीही एक प्रकारे अष्टपैलू आहे. रीवाने मेकॅनिकल इंजिनीअरिंग केले आहे. आता ती भाजपची सदस्य आहे.

रॉबिन उथप्पाची पत्नी शीतल गौतम ही आंतरराष्ट्रीय टेनिसपटू आहे

रॉबिन उथप्पाची गणना आयपीएलच्या स्टार खेळाडूंमध्ये केली जाते. आयपीएलमध्ये सर्वाधिक धावा करणाऱ्यांच्या टॉप-10 यादीत त्याचा समावेश आहे. मार्च 2016 मध्ये त्याने गर्लफ्रेंड शीतल गौतमसोबत लग्न केले. शीतल गौतम ही माजी भारतीय व्यावसायिक टेनिसपटू आहे. तिने 5 ITF एकेरी आणि 13 ITF दुहेरी विजेतेपदे जिंकली आहेत. 6 जून 1981 रोजी बंगळुरूमध्ये जन्मलेली शीतल वयाने रॉबिनपेक्षा मोठी आहे.

अंबाती रायुडूने 2009 मध्ये व्हॅलेंटाईन डेच्या दिवशी त्याची कॉलेजची प्रेयसी चेनुपल्ली विद्या हिला त्याच्या आयुष्याची सोबती बनवले. विद्या मीडियापासून दूर राहणे पसंत करते. मात्र, तो अनेकदा सीएसकेचे सामने पाहताना दिसतो. विद्याचे टोपण नाव निम्मी आहे.

दीपक चहरची 'क्वीन' म्हणजे जया भारद्वाज

दीपक चहरची 'क्वीन' म्हणजे जया भारद्वाज. IPL 2021 मध्ये चेन्नई सुपर किंग्जच्या मॅचनंतर स्टेडियममध्येच दीपकने जयाला प्रपोज केले होते. जया एका खाजगी कंपनीत काम करते. तिचा भाऊ सिद्धार्थ भारद्वाज बिग बॉसचा भाग राहिला आहे. दीपक आणि जया 2022 मध्ये विवाहबंधनात अडकतील.