)
मुंबई, 27 जून: पाकिस्तानी क्रिकेटमधील (Pakistan Cricket) नव्या वाद समोर आला आहे. पाकिस्तान टीमचा बॅटींग कोच युनूस खाननं काही दिवसांपूर्वी राजीनामा (Younis Khan Resignation) दिला होता. टीम इंग्लंड दौऱ्यावर जाण्याच्या दोन दिवस आधीच युनूसनं राजीनामा दिल्यानं खळबळ उडाली होती. ड्रेसिंग रुममधील वाद हे त्याच्या राजीमनाम्याचे कारण असल्याचा दावा पाकिस्तानच्या माध्यमांनी केला आहे. पाकिस्तानचे क्रीडा पत्रकार साज सादीक यांनी या युनूसच्या राजीनाम्याचं कारण सांगितलं आहे. दक्षिण आफ्रिका दौऱ्यात सेंच्युरीयनमध्ये झालेल्या टी20 दरम्यान युनूस खानचा फास्ट बॉलर हसन अली (Hasan Ali) सोबत झालेल्या वादामुळे युनूसने राजीनामा दिल्याचा दावा त्यांनी केला आहे. काय आहे प्रकरण? साज सादीक यांच्या दाव्यानुसार, “सेंच्युरीनमधील मॅचच्या दरम्यान युनूस खान टीमच्या ड्रेसिंग रुममध्ये गेला होता. त्याने हसन अलीला आईस बाथ (Ice Bath) घेण्यास सांगितले. युनूसचा हा सल्ला हसन अलीने फेटाळला. त्यावेळी त्या दोघांमध्ये चांगलाच वाद झाला. नाराज युनूसने हसन अलीला उद्देशून अपशब्द वापरले. या दोघांमधील वाद इतका वाढला की अखेर टीममधील अन्य सदस्यांना येऊन त्यांचे भांडण थांबवावे लागले.
Reports state that one of the reasons why Younis Khan resigned is due to an argument with Hassan Ali after the pace-bowler allegedly refused to take an ice bath during the tour of South Africa #Cricket
— Saj Sadiq (@SajSadiqCricket) June 26, 2021
Reports also say that Younis Khan said to Hassan Ali "tera Baap bhi Ice Bath le ga" (your father will also take an ice bath) before both men had to be split-up by coaching staff and players #Cricket
— Saj Sadiq (@SajSadiqCricket) June 26, 2021
विराटनं तोंड बंद करायला का सांगितले? न्यूझीलंडच्या बॉलरचा खुलासा इंग्लंड दौऱ्यासाठी पाकिस्तानी टीम बॅटिंग प्रशिक्षकाशिवाय जाणार आहे, पण वेस्ट इंडिज दौऱ्यासाठी प्रशिक्षकाची निवड योग्य वेळी केली जाईल, असं पाकिस्तान क्रिकेट बोर्डाने (PCB) सांगितलं आहे. युनूस खानला मागच्या वर्षी नोव्हेंबर 2022 आयसीसी टी-20 वर्ल्ड कपपर्यंत दोन वर्षांसाठी प्रशिक्षक म्हणून नेमण्यात आलं होतं.
+6
फोटो
