)
रांची, 28 मे : टीम इंडियाचा माजी कॅप्टन महेंद्रसिंह धोनी (MS Dhoni) सध्या घरात कुटुंबासोबत वेळ घालवत आहे. आयपीएल स्पर्धा (2021) अचानक स्थगित झाल्यानंतर धोनी रांचीच्या घरी परतला आहे. धोनी सोशल मीडिया क्वचितच वापरत असला तरी, त्याची पत्नी साक्षी (Sakshi Dhoni) ही सोशल माीडियावर सक्रीय असते. ती वेगवेगळ्या पोस्टमधून धोनीचे अपडेट्स सर्वांशी शेअर करते. साक्षीने नुकताच धोनीचा एक दुर्मिळ जुना फोटो (Throwback picture) इन्स्टाग्रामवर शेअर केला आहे. साक्षीने शेअर केलेला हा फोटो 2009 सालचा आहे. या फोटोत धोनी लहान मुलांसोबत क्रिकेट खेळताना दिसतोय. फोटोतील मुलगा बॅटींग करत असून धोनी स्टंपच्या मागे उभे राहत विकेट किपिंग करत आहे. हा फोटो शेअर करत साक्षीनं,‘तुम्ही सर्व मोठे का झाला?’ असा प्रश्न विचारला आहे. साक्षीने शेअर केलेला हा फोटो सध्या चांगलाच व्हायरल झाला आहे.
महेंद्रसिंह धोनीच्या चेन्नई सुपर किंग्सने (CSK) या आयपीएल सिझनमध्ये जोरदार पुनरागमन केले. दिल्ली कॅपिटल्स (DC) विरुद्धची पहिली मॅच गमावल्यानंतर चेन्नईने सलग पाच मॅच जिंकल्या. तर स्पर्धा स्थगित होण्यापूर्वी मुंबई इंडियन्स (MI) विरुद्ध झालेल्या मॅचमध्ये चेन्नईचा निसटता पराभव झाला. ‘महेंद्रसिंह धोनी स्वत: CSK पासून दूर होणार’, ‘या’ क्रिकेटपटूचा दावा आयपीएल स्पर्धा स्थगित होण्यापूर्वी चेन्नईची टीम सात मॅचमध्ये पाच विजय मिळवत दुसऱ्या क्रमांकावर होती. आता आयपीएल सिझनचा दुसरा टप्पा सप्टेंबर आणि ऑक्टोबर महिन्यात युएईमध्ये होण्याची शक्यता आहे. या टप्प्यात धोनी पुन्हा एकदा मैदानात दिसणार आहे.
+6
फोटो
