PAK vs AUS : कराचीत दिसला जडेजा! पाकिस्तानच्या नेट प्रॅक्टीसचा Video Viral

मुंबई, 11 मार्च : टीम इंडियाचा ऑल राऊंडर रविंद्र जडेजा (Ravindra Jadeja) सध्या चांगलाच फॉर्मात आहे. भारत विरूद्ध श्रीलंका (India vs Sri Lanka) यांच्यात मोहालीमध्ये झालेल्या टेस्टमध्ये जडेजानं ऑल राऊंड खेळ केला होता. त्याने मोहाली टेस्टमध्ये 175 रन केले आणि नंतर 9 विकेट्स घेतल्या. या कामगिरीनंतर तो आयसीसीच्या टेस्ट रँकिंगमध्ये (ICC Test Ranking) नंबर 1 ऑल राऊंडर बनला आहे. जडेजाच्या खेळाचा प्रभाव पाकिस्तान क्रिकेट टीमवरही (Pakistan Cricket Team) पडला आहे. पाकिस्तानची टीम सध्या कराचीमध्ये आहे. ऑस्ट्रेलिया विरूद्ध पाकिस्तानची दुसरी टेस्ट (Australia vs Pakistan) शुक्रवारपासून कराचीमध्ये सुरू होत आहे. या टेस्टपूर्वी पाकिस्तानचा फास्ट बॉलर शाहिन आफ्रिदीनं (Shaeen Afridi) नेटमध्ये स्पिन बॉलिंग केली. यावेळी आफ्रिदीच्या बॉलिंगची अ‍ॅक्शन ही अगदी जडेजासारखी होती. आफ्रिदीच्या स्पिन बॉलिंगचा व्हिडीओ सोशल मीडियावर सध्या व्हायरल होत आहे. तो व्हिडीओ पाहून क्रिकेट फॅन्सना रविंद्र जडेजाच्या बॉलिंगची आठवण येत आहे.

There’s a lot of Ravindra Jadeja, just a few inches taller, about Shaheen Shah Afridi bowling left-arm spin, the bounce in the hair included #PakvAus pic.twitter.com/6YCI99E9VV

— Bharat Sundaresan (@beastieboy07) March 10, 2022

पाकिस्तान विरूद्ध ऑस्ट्रेलिया यांच्यातील रावळपिंडीमध्ये झालेली टेस्ट ड्रॉ  झाली. ऑस्ट्रेलियाची टीम तब्बल 24 वर्षानंतर पाकिस्तानात क्रिकेट सीरिजसाठी आली आहे. या सीरिजमधील पहिल्याच टेस्टमधील पिचवर आयसीसीनं ठपका ठेवला आहे.रावळपिंडी टेस्टसाठी वापरण्यात आलेले पिच सरासरीपेक्षा खराब होते, असं मत आयसीसीनं व्यक्त केलं आहे. तसंच या पिचला एक डिमेरीट पॉईंट देखील दिला आहे. आयसीसीच्या नियमानुसार 5 वर्षांमध्ये कोणत्याही पिचला 5 डिमेरिट पॉईंट मिळाले तर त्या पिचवर 12 महिन्यांची बंदी घातली जाते. बंदीच्या कालावधीमध्ये तिथं कोणताही आंतरराष्ट्रीय मॅच खेळता येत नाही. IND vs SL सीरिजनंतर टीम इंडियात होणार मोठा बदल, द्रविडच्या सल्ल्यानंतर BCCI चा निर्णय रावळपिंडी टेस्टमधील मॅच रेफ्री रंजन मदुगले  (Ranjan Madugalle) यांनी ही कारवाई केली आहे.  आयसीसीच्या एलिट पॅनलमध्ये त्यांचा समावेश आहे. मदुगले यांनी सांगितलं की, '5 दिवसांतच्या खेळामध्ये पिचमध्ये क्वचितच बदल झाला. फक्त थोडा बाऊन्स कमी झाला होता. या पिचवर फास्ट बॉलर्सना जास्त मदत मिळाली नाही. तसंच स्पिनर्सससाठीही काही खास नव्हतं. माझ्या मते रावळपिंडीच्या पिचवर बॅट आणि बॉलमध्ये समान स्पर्धा दिसली नाही. त्यामुळे आयसीसीच्या नियमांच्या आधारे या पिचला सरासरीपेक्षा कमी पॉईंट देत आहे' असे त्यांनी स्पष्ट केले.