दुबई, 30 सप्टेंबर : आयपीएलमध्ये (IPL 2021) बुधवारी झालेल्या मॅचमध्ये रॉयल चॅलेंजर्स बंगुळुरूनं (RCB) राजस्थान रॉयल्सचा (RR) 7 विकेट्सनं मोठा पराभव केला. राजस्थाननं दिलेलं 150 रनचं आव्हान पार करण्यासाठी उतरलेल्या बंगळुरुला विराट कोहलीनं (Virat Kohli) दमदार सुरूवात करुन दिली. त्यानं 20 बॉलमध्ये 25 रन काढले. या स्पर्धेत चांगल्या टचमध्ये असलेला विराट मोठी खेळी करेल असा सर्वांचा अंदाज होता.
विराट मोठ्या इनिंगसाठी सज्ज झालेला असताना तो आणि श्रीकर भरत (KS Bharat) यांच्यात एक रन काढण्यासाठी गडबड झाली. राजस्थान रॉयल्सच्या रियान परागनं (Riyan Parag) याचा फायदा घेतला. परागनं केलेल्या डायरेक्ट थ्रोमुळे विराट रन आऊट झाला. या मॅचनंतर विराटनं रियानला स्पेशल गिफ्ट दिलं, याची सध्या सोशल मीडियावर चर्चा होत आहे.
विराटनं मॅचनंतर रियानला त्याची स्वाक्षरी असलेली बॅट भेट दिली. त्यानं मॅचनंतर राजस्थानच्या तरुण क्रिकेटपटूंशी चर्चा देखील केली तसंच त्यांना भविष्यासाठी खास टिप्स देखील दिल्या. आरसीबीसाठी हा विजय अत्यंत महत्त्वाचा होता. या विजयानंतर त्यांचे 14 पॉईंट्स झाले असून 'प्ले ऑफ' च्या शर्यतीमधील त्यांचं स्थान बळकट झालं आहे. दुसरिकडे राजस्थान रॉयल्सची वाट आणखी खडतर झाली आहे.
In last one year, Riyan Parag got Signed autograph from his idol Virat Kohli trice on the bat. pic.twitter.com/zk7BqDYeIx
— CricketMAN2 (@man4_cricket) September 29, 2021
या सामन्यात आरसीबीचा कर्णधार विराट कोहलीने टॉस जिंकून पहिले राजस्थानला बॅटिंगला बोलावलं. यानंतर एव्हिन लुईस (Evin Lewis) आणि यशस्वी जयस्वालच्या (Yashasvi Jaiswal) ओपनिंग जोडीने राजस्थानला धमाकेदार सुरुवात करून दिली. या दोघांनी 8.2 ओव्हरमध्येच 77 रन केले, पण त्यानंतर राजस्थानची बॅटिंग गडगडली. लुईस 37 बॉलमध्ये 58 रन करून आऊट झाला, तर यशस्वी जयस्वालला 22 बॉलमध्ये 21 रन करता आले. बँगलोरकडून हर्षल पटेलने सर्वाधिक 3 विकेट घेतल्या, तर युझवेंद्र चहल आणि शाहबाज अहमदला प्रत्येकी 2-2 विकेट घेण्यात यश आलं. डॅनियल ख्रिश्चन आणि जॉर्ज गार्टोन यानेही 1-1 विकेट घेतली.
IPL 2021 Points Table: विराटनं केली रोहितची मदत, बंगळुरूच्या विजयानं मुंबईचा मार्ग सोपा
राजस्थानने ठेवलेल्या 150 रनच्या आव्हानाचा पाठलाग बँगलोरने 17.1 ओव्हरमध्ये 3 विकेट गमावून केला. ग्लेन मॅक्सवेलने (Glenn Maxwell) 30 बॉलमध्ये नाबाद 50 रन केले. तर श्रीकर भरत (S Bharat) 35 बॉलमध्ये 44 रन करून आऊट झाला.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Cricket news, IPL 2021, Virat kohli