संघाच्या 102 धावा झाल्या असताना डु प्लेसिस पॅव्हेलियनमध्ये परतला. अंबाती रायुडू काही विशेष कामगिरी करू शकला नाही, 10 धावांवर तो सुनील नरेनच्या गोलंदाजीवर बाद झाला. त्याने 9 चेंडू खेळले आणि 1 चौकार मारला. रायुडू आणि मोईन अली यांनी तिसऱ्या विकेटसाठी 17 धावा जोडल्या. मोईन अलीचा जम बसल्याचे वाटत होते आणि तो विजय मिळवून परत येईल असे वाटत होते, पण फर्ग्युसनच्या डावाच्या 17 व्या षटकाच्या चौथ्या चेंडूवर त्याला व्यंकटेश अय्यरने झेलबाद केले. त्याने 28 चेंडूत 2 चौकार आणि 1 षटकाराच्या मदतीने 32 धावा केल्या. चेन्नईला शेवटच्या 3 षटकांत 18 धावांची गरज होती. पण वरूण चक्रवर्तीच्या षटकात 2 विकेट पडल्या. रैना पहिल्याच चेंडूवर धावबाद झाला. त्यानंतर वरुणने तिसऱ्या चेंडूवर कर्णधार महेंद्रसिंग धोनीला बोल्ड केले. त्याला फक्त 1 धाव करता आली. हे वाचा - गुडघ्यातून वाहत होतं रक्त तरीही सोडला नाही; CSK च्या प्लेअरचा सीमारेषेवर अफलातून झेल तत्पूर्वी, कोलकात्याने निर्धारित 20 षटकांत 6 गडी बाद 171 धावा केल्या. राहुल त्रिपाठीने केकेआरसाठी सर्वाधिक 45 धावा केल्या. त्याच्याशिवाय नितीश राणाने नाबाद 37 आणि यष्टीरक्षक फलंदाज दिनेश कार्तिकने 26 धावांचे योगदान दिले. नितीश आणि कार्तिकने सहाव्या विकेटसाठी 41 धावा जोडल्या. चेन्नईकडून वेगवान गोलंदाज शार्दुल ठाकूर आणि जोश हेझलवूडने 2-2 विकेट घेतल्या तर रवींद्र जडेजाला 1 विकेट मिळाली.WHAT. A. MATCH! 👌 👌 Absolute scenes in Abu Dhabi as @ChennaiIPL win the last-ball thriller against the spirited @KKRiders. 👏 👏#VIVOIPL #CSKvKKR Scorecard 👉 https://t.co/l5Nq3WwQt1 pic.twitter.com/Q53ym5uxtI
— IndianPremierLeague (@IPL) September 26, 2021
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.