IND vs ENG : ऋषभ पंतचा सल्ला कोहलीनं नाकारला, टीम इंडियाला फटका! VIDEO

लॉर्ड्स, 14 ऑगस्ट : लॉर्ड्स टेस्टच्या दुसऱ्या दिवशी (India vs England, 2nd Test) टीम इंडियानं चांगली बॉलिंग केली. इंग्लंडच्या टॉप ऑर्डरला भारतीय फास्ट बॉलर्सनी त्रस्त केलं. मात्र त्याचवेळी इंग्लंडच्या इनिंगदरम्यान घडलेल्या एका घटनेचा व्हिडीओ सोशल मीाडियावर व्हायरल होत आहे. मोहम्मद सिराजच्या  (Mohammed Siraj) ओव्हरमध्ये ही घटना घडली. सिराजचा बॉल इंग्लंडचा कॅप्टन जो रूटच्या (Joe Root) पॅडला लागला. अंपायरनं रूटला नॉटआऊट दिले. त्यावेळी सिराजच्या आग्रहामुळे विराट कोहलीनं (Virat Kohli) रिव्यू घेतला. त्यावेळी थर्ड अंपायरनं कोहलीचं अपील फेटाळलं.

त्यानंतर पुन्हा एकदा सिराजच्या बॉलिंगवर रूटच्या विरुद्ध LBW चं अपिल करण्यात आलं. मैदानातील अंपायरनं हे अपिल फेटाळल्यानंतर सिराजच्या आग्रहामुळे कोहलीनं पुन्हा एकदा रिव्यू घेतला. त्यावेळी ऋषभ पंतनं कोहलीला अडवण्याचा  (Rishabh Pant DRS Video) प्रयत्न केला.

ऋषभ पंत सतत सांगत असूनही विराट कोहलीनं त्याचं ऐकलं नाही आणि सिराजच्या सलग दुसऱ्या बॉलरवर रिव्यू घेतला. पुन्हा एकदा भारताला निराशा सहन करावी लागली. पंतनं कोहलीला अडवण्याचा प्रयत्न केलेला व्हिडीओ सध्या सोशल माीडियावर व्हायरल (Video Viral) होत आहे. विराटनं पंतचा सल्ला न मानल्याचं टीम इंडियाचा एक रिव्यू वाया गेला.

Mohammad Siraj convinced Virat Kohli to take the review of Joe Root, but Rishabh Pant was denying. pic.twitter.com/WepEASpDWH

— Mufaddal Vohra (@mufaddal_vohra) August 13, 2021

IND vs ENG : ...म्हणून भारत-इंग्लंडचे खेळाडू लाल टोपी घालून मैदानात उतरले

सिराजचे इंग्लंडला दोन धक्के

सिराजच्या आग्रहामुळे कोहलीचे दोन रिव्यू वाया गेले. त्यापूर्वी सिराजनेच  लागोपाठ दोन बॉलवर इंग्लंडच्या दोन बॅट्समनना माघारी धाडलं. 15 व्या ओव्हरच्या दुसऱ्या बॉलला सिराजने डॉमनिक सिबलीची (Dominic Sibley) विकेट घेतली, तर यानंतर पुढच्याच बॉलला त्याने हसीब हमीदला (Haseeb Hameed) बोल्ड केलं. सिबली 11 रन करून आऊट झाला, त्याचा कॅच केएल राहुलने पकडला. पाच वर्षांनंतर टीममध्ये पुनरागमन करणाऱ्या हसीब हमीदने निराशा केली. पहिल्याच बॉलला हमीद बोल्ड झाला. झॅक क्रॉलेच्याऐवजी हमीदला संधी देण्यात आली होती, पण या संधीचं त्याला सोनं करता आलं नाही.