VIDEO: श्रीसंतला थप्पड मारल्याचा 14 वर्षानंतर हरभजनला पश्वाताप, म्हणाला...

मुंबई, 5 जून :  आयपीएल स्पर्धेचा पहिला सिझन (IPL 2008) हा हरभजन सिंग आणि श्रीसंत (Harbhajan Singh vs S. Sreesanth) यांच्यातील वादानं गाजला. या दोघांमधील वाद इतका वाढला की हरभजननं श्रीसंतला थप्पड लगावली होती. या प्रकरणाता आता 14 वर्ष झाली आहेत. त्यानंतरही ही घटना क्रिकेट फॅन्स विसरले नाहीत. या प्रकरणात अखेर हरभजन सिंगनं (Harbhajan Singh) पश्चाताप व्यक्त करत माफी मागितली आहे.

काय घडले होते प्रकरण?

आयपीएल 2008 मध्ये झालेल्या एका लढतीमध्ये किंग्ज इलेव्हन पंजाबनं मुंबई इंडियन्सचा पराभव केला होता. या मॅचमध्ये श्रीसंत पंजाबकडून तर हरभजन मुंबईकडून खेळत होता. या पराभवानंतर श्रीसंत हरभजनला काही तरी बोलता त्यानंतर रागानं हरभजननं त्याला थप्पड मारली. हरभजनला ही थप्पड चांगलीच महाग पडली. त्यामुळे त्याच्यावर काही मॅचची बंदी घालण्यात आली. तसंच त्याला 3.75 कोटींची रक्कम मिळाली नाही.

हरभजननं मागितली माफी

हरभजन आणि श्रीसंत एका कार्यक्रमात एकत्र आले होते. त्यावेळी साहजिकच हा विषय निघाला. त्यावेळी बोलताना हरभजननं या प्रकरणात माफी मागितली. हरभजन यावेळी म्हणाला की, 'आयपीएल मॅचच्या दरम्यान मी जे केलं ते चूक होतं. यामध्ये लहान-मोठ्याचा प्रश्न नाही. मी चूक केली होती. जे घडलं ते चूक होतं. मी चूक केली. त्यामुळे माझ्या टीमला मान खाली घालावी लागली. मला मान खाली घालावी लागली. मी इथंच नाही तर प्रत्येक ठिकाणी हे सांगितलं आहे.

Glance LIVE Fest brought together @harbhajan_singh and @sreesanth36 and OMG look what happened 😱 Drop your reaction to this in the comments! 👇#GlanceLiveFest #cricket #BhajjiBoleSorrySree #AbIndiaLIVEKarega pic.twitter.com/oG9qChZxbk

— Glance (@glancescreen) June 5, 2022

मला मैदानातील कोणतीही एक चूक सुधारण्याची संधी मिळाली तर मी माझी ती चूक सुधारेल. ते व्हायला नको होतं. मी त्या गोष्टीचा विचार करतो त्यावेळी मला हे जाणवतं. ' असं हरभजननं यावेळी सांगितलं.

IPL 2022 : दिल्ली कॅपिटल्सची 'ती' कामगिरी लज्जास्पद, प्रमुख खेळाडूचा घरचा आहेर

श्रीसंतनं या प्रकरणात  सचिन तेंडुलकरच्या मध्यस्थीमुळे आमच्यातील वाद मिटल्याचं सांगितलं होतं. मी हरभजनला भेटलो आणि नंतर आम्ही रात्री एकत्र डिनर देखील केलं, मात्र मीडियानं हा वाद वेगळ्याच स्तरावर नेला, असा आरोप श्रीसंतनं केला होता. या प्रकरणाची चौकशी करण्यासाठी बीसीसीआयनं नेमलेल्या नानावटी कमिशनसमोरही श्रीसंतनं हरभजनला शिक्षा न देण्याची मागणी केली होती.