ICC Women ODI Rankings: मिताली राजने गमावले अव्वल स्थान; मात्र झूलन गोस्वामीला मिळाली खूशखबर

नवी दिल्ली, 29 सप्टेंबर : भारतीय महिला क्रिकेट संघाची कर्णधार मिताली राजने (Mithali Raj) आयसीसीने जारी केलेल्या वन-डे क्रमवारीतील (ICC Women’s ODI Rankings) आपले पहिले स्थान गमावले. मिताली आता तिसर्‍या स्थानावर घसरली आहे. मात्र, भारताची प्रमुख वेगवान गोलंदाज झुलन गोस्वामीने (Jhulan Goswami is the new No.2 bowler) गोलंदाजी क्रमवारीत दुसर्‍या स्थानावर झेप घेतली आहे. नुकत्याच पार पडलेल्या ऑस्ट्रेलियाविरुद्ध वन-डे मालिकेतील खराब कामगिरीमुळे मिताली राजला मोठा फटका बसला आहे. तिला आयसीसी वन-डे क्रमवारीतील अव्वल स्थान गमावावे लागले आहे. तिने या मालिकेत 29 च्या सरासरीने केवळ 87 धावा काढल्या असून, तिचे 738 इतके रेटिंग गुण आहेत.

🔹 Beth Mooney breaks into top 10 in batting
🔹 Jhulan Goswami is the new No.2 bowler
🔹 Ashleigh Gardner jumps four spots in the all-rounder rankings

All this and more as players make huge gains in the latest @MRFWorldwide ICC Women’s ODI Player Rankings 👇

— ICC (@ICC) September 28, 2021

फलंदाजी रँकिग दक्षिण आफ्रिकेची लिजेल ली ही 761 गुणांसह दुसर्‍या स्थानावरून पहिल्या स्थानावर पोहोचली. तर, भारताविरुद्धच्या तीन सामन्यांत 112 धावा काढणारी ऑस्ट्रेलियाची एलिसा हिली 750 गुणांसह दुसर्‍या स्थानावर पोहोचली. तर, भारतीय फलंदाज स्मृती मानधनाने सातव्या स्थानावरूप सहाव्या स्थानी पोहोचली आहे. तिचे 710 गुण आहेत. हे वाचा-  World Heart Day च्या दिवशी पाकिस्तानात गडबड! इंझमाम म्हणतो, ‘अटॅक आलाच नाही’ झूलन गोस्वामी अव्वल स्थानापासून एक पाऊल मागे ऑस्ट्रेलियाविरुद्ध झालेल्या वन-डे मालिकेत झूलन गोस्वामीने चार बळी टिपले. तिने तीन सामन्यात चार महत्त्वाचे विकेट्स घेतले. ज्यात सर्वात भारी कामगिरी तिने अखेरच्या सामन्यात केली. 37 धावांच्या बदल्यात तिने तीन विकेट्स मिळवले. ज्यानंतर तिच्या खात्यात 727 गुण जमा झाले आणि ती दुसऱ्या स्थानावर विराजमान झाली. तिच्यापुढे ऑस्ट्रेलियाची जेस योनासेन 760 गुणांसह पहिल्या स्थानावर आहे. तर ऑस्ट्रेलियाचीच मेगन शुट 717 गुणांसह तिसऱ्या स्थानावर आहे.

• Follow us on