)
मुंबई, 1 सप्टेंबर : टीम इंडियाचा हिटमॅन रोहित शर्मानं (Rohit Sharma) टेस्ट क्रिकेटमध्ये मोठी भरारी घेतली आहे. रोहितनं पहिल्यांदाच आयसीसी टेस्ट रँकिंगमध्ये (ICC Test Rankings) टॉप 5 मध्ये प्रवेश केला आहे. त्याचबरोबर त्यानं भारतीय कॅप्टन विराट कोहलीला (Virat Kohli) मागं टाकलं आहे. कोहलीची एक क्रमांकानं घसरण झाली असून तो आता सहव्या नंबरवर आहे. या दोघांशिवाय एकही भारतीय बॅट्समन टॉप टेनमध्ये नाही. आयसीसीच्या ताज्या रँकिंगनुसार इंग्लंडचा कॅप्टन जो रूट (Joe Root) पहिल्या क्रमांकावर पोहचलाय. रूट 6 वर्षांनी टॉपवर पोहचला आहे. त्यानं न्यूझीलंडचा कॅप्टन केन विल्यमसन (Kane Williamson) याला मागे टाकलं आहे. भारत विरुद्ध इंग्लंड यांच्यात सध्या सुरू असलेल्या टेस्ट सीरिजमध्ये रूटनं 3 सेंच्युरीसह 507 रन केले आहेत. त्याची सरासरी 127 आहे. तर रोहित शर्मानं हेडिंग्लेमध्ये झालेल्या टेस्टमध्ये 19 आणि 59 रनची इनिंग खेळली होती.
Other changes in the @MRFWorldwide ICC Men’s Test Player Rankings for the week:
— ICC (@ICC) September 1, 2021
🔹 Rohit Sharma overtakes Virat Kohli
🔹 James Anderson enters top five
Details 👉 https://t.co/woGyneJVGk pic.twitter.com/9mFl314BS8
पुजाराचा फायदा चेतेश्वर पुजारानं (Cheteshwar Pujara) हेडिंग्ले टेस्टच्या दुसऱ्या इनिंगमध्ये 91 रन काढले होते. त्यामुळे त्याला तीन क्रमांकाचा फायदा झालाय. तो आता 15 व्या नंबरला पोहचला आहे. बॉलर्सच्या यादीत जसप्रीत बुमराह 10 व्या तर आर. अश्विन दुसऱ्या क्रमांकावर आहे. ऑस्ट्रेलियाचा फास्ट बॉलर पॅट कमिन्स पहिल्या क्रमांकावर कायम आहे. IND vs ENG : ओव्हल टेस्टसाठी टीम इंडियात ‘या’ खेळाडूचा समावेश इंग्लंडचा फास्ट बॉलर जेम्स अँडरसनला एक क्रमांकाचा फायदा झाला असून तो आता पाचव्या क्रमांकावर आला आहे. ओली रॉबिन्सनला 9 क्रमांकाचा फायदा झालाय तो आता 36 व्या तर क्रेग ओव्हरटन 73 व्या क्रमांकावर पोहचला आहे. हेडिंग्ले टेस्टमध्ये या त्रिकुटानंच टीम इंडियाला गुंडाळत इंग्लंडला विजय मिळवून दिला होता.
+6
फोटो
