)
मुंबई, 02 जुलै : जीवनात गुरू असणे महत्त्वाचे मानले जाते. गुरूला देवापेक्षा श्रेष्ठ मानलं जातं. शास्त्रानुसार गुरु हा दोन शब्दांनी बनलेला आहे. ‘गु’ म्हणजे अंधकार आणि अज्ञान आणि ‘रु’ म्हणजे दूर करणे किंवा नाहीसा करणे. आपल्या जीवनातील अज्ञानाचा अंधार दूर करण्यासाठी गुरु असणे आवश्यक आहे. अयोध्येतील विद्वान पवनदास शास्त्री म्हणतात की, जीवनात गुरू असणे खूप महत्त्वाचे आहे. गुरू हा देवासारखा असतो. किंबहुना गुरूला देवापेक्षा वरचा दर्जा दिला जातो. एवढेच नाही तर गुरूशिवाय कुठेही यश मिळत नाही.
अशा प्रकारे गुरुपौर्णिमेची सुरुवात झाली - हिंदू कॅलेंडरनुसार, गुरू पौर्णिमा हा सण दरवर्षी आषाढ महिन्याच्या पौर्णिमेला साजरा केला जातो. यंदा गुरुपौर्णिमा उद्या 03 जुलै रोजी साजरी होणार आहे. गुरुपौर्णिमेच्या दिवशी लोक आपल्या गुरूंचे आशीर्वाद घेतात आणि गुरुही त्यांना दीर्घायुष्यासाठी आशीर्वाद देतात. धार्मिक ग्रंथानुसार हजारो वर्षांपूर्वी महर्षी वेद व्यासांनी आषाढ महिना गुरुपौर्णिमा उत्सव म्हणून साजरा करण्यास सुरुवात केली. सनातन धर्मात महर्षी व्यासांना ईश्वराचे रूप मानले जाते. महर्षी वेद व्यास यांना लहानपणापासूनच अध्यात्माची आवड होती. आषाढ महिन्यातील पौर्णिमेला महर्षी वेदव्यास यांनी आपल्या शिष्यांना आणि ऋषीमुनींना श्रीमद भागवत पुराणाचे ज्ञान दिले होते, असे म्हणतात. तेव्हापासून महर्षी व्यासांच्या शिष्यांनी हा दिवस गुरुपौर्णिमा म्हणून साजरा करण्याची परंपरा सुरू केली, जी आजही पाळली जाते. Budh Rashi Parivartan: 8 जुलैपासून या राशींचे अच्छे दिन, होईल धनवर्षा धार्मिक श्रद्धा - धर्मग्रंथानुसार गुरुला देवतांपेक्षा वरचे स्थान मिळाले आहे. खुद्द देवाधिदेव महादेवांनीही ‘गुरुर्देवो गुरुर्धर्मो, गुरौ निष्ठा परं तपः। गुरोः परतरं नास्ति, त्रिवारं कथयामि ते।।’ म्हणजे गुरु हेच सर्वस्व आहे, गुरूवरची निष्ठा हाच परम धर्म आहे. म्हणजे व्यक्तीसोबतच देवतांनाही गुरूची गरज असते. गुरूंबद्दल आणखी एक श्लोक म्हटला जातो, ‘हरि रूठे गुरु ठौर है, गुरु रूठे नहिं ठौर’. म्हणजे देव आणि नशीबाची साथ मिळत नाही तेव्हा गुरूचा आश्रय मिळू शकतो, पण गुरू कोपला की कुठेही आसरा मिळत नाही. म्हणूनच जीवनात गुरू असणे अत्यंत आवश्यक आहे. Pitradosh: घरात पूर्वजांचे फोटो लावण्यासाठी ही दिशा योग्य; नाही होणार पितृदोषाचा त्रास (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
+6
फोटो
