)
मुंबई, 27 जानेवारी : ज्योतिष शास्त्रामध्ये राहुकाल हा एक अशुभ काळ मानला जातो, ज्यामध्ये कोणतेही शुभ कार्य करू नये, असे मानले जाते. राहुकाल हा राहू आणि काल या दोन शब्दांपासून बनलेला आहे. राहु छाया ग्रह आहे आणि काल म्हणजे काळ. राहुकालचा शाब्दिक अर्थ राहूचा काळ असा आहे. राहुकाल रोज येतो, त्यातही दिवसाचा राहुकाल मोजला जातो. दिवसानुसार राहुकालच्या वेळेत फरक आहे. राहुकाळात कोणतेही काम केल्यास त्यात यश मिळणे कठीण होऊन बसते, त्यात अनेक प्रकारचे अडथळे येऊ लागतात. राहुकाल कधी होतो हे काशीचे ज्योतिषाचार्य चक्रपाणी भट्टांकडून जाणून घेऊ. राहुकालात शुभ कार्य का करत नाहीत? राहुकालात कोणतेही काम करायचे असेल तर त्यावर उपाय काय? राहुकाळ म्हणजे काय? राहु हा राहुकाळाचा अधिपती ग्रह आहे, जो अशुभ परिणाम देतो. दररोज दीड तासाची वेळ राहुकालची असते. धार्मिक मान्यतेनुसार, सूर्योदयापासून सूर्यास्तापर्यंतच्या काळाचा आठवा भाग राहूचा म्हणजेच राहुकाल मानला जातो. राहुकालची गणना कशी केली जाते? सूर्योदयाची वेळ, ठिकाण आणि दिवसानुसार राहुकाल मोजला जातो. प्रत्येक दिवसाचा राहुकाल वेगळा असतो. दिवसाच्या राहुकालची गणना असते. मंगळवार, शनिवार आणि रविवारच्या राहुकालकडे दुर्लक्ष करता येणार नाही. राहुकाळातील या तीन दिवसात राहू प्रभावी असतो. राहुकाळात निषिद्ध कामे - 1. राहुकाळात तुम्ही कोणताही नवीन व्यवसाय, नवीन प्रकल्प किंवा कोणतेही नवीन काम सुरू करू नये. 2. राहुकाळादरम्यान तुम्ही तुमच्या महत्वाच्या कामांशी संबंधित प्रवास करू नये. शक्य असल्यास ते टाळावे. 3. मुंडन, उपनयन संस्कार, गृहप्रवेश, पाठवणी, विवाह यासारखी सर्व शुभ कार्ये राहुकालमध्ये होत नाहीत. 4. अशा प्रकारे राहुकाळात कोणतीही मालमत्ता, वाहन, दागिने, वस्तू खरेदी किंवा विक्री करू नका. 5. राहुकालात यज्ञ करणे देखील निषिद्ध आहे. राहुकाळावरील उपाय - 1. राहुकालात होणारे कोणतेही काम तुमच्यासाठी खूप महत्वाचे असेल तर सर्वप्रथम वीर हनुमानाची विधिवत पूजा करा. हनुमान चालिसा पाठ करा. त्यानंतर त्याचा प्रसाद घ्या आणि कामाला सुरुवात करा. असे म्हणतात की, कटै मिटै सब पीरा। जो सुमिरै हनुमत बलबीरा।। 2. राहुकाळात प्रवास करणे खूप महत्वाचे आहे, जर एखाद्याच्या जीवन-मरणाचा प्रश्न असेल तर घराच्या मुख्य दरवाजातून बाहेर पडण्यापूर्वी 10 पावले उलट दिशेने चालत जा. त्यानंतर घर सोडावे. 3. धार्मिक मान्यतेनुसार राहुकालात प्रवास करण्यापूर्वी दही, पान किंवा काहीतरी गोड खाऊन निघावे. ते शुभाचे प्रतीक मानले जातात, ते अशुभ प्रभाव दूर करतात.
कालसर्प दोषाच्या पूजेमध्ये राहुकाल उपयुक्त - ज्या लोकांच्या कुंडलीत कालसर्प दोष असतो. अशा लोकांनी राहुकालात शिवाची पूजा करावी. यामुळे हा दोष दूर होतो. हे वाचा - 28 तारखेला आहे रथसप्तमी, सूर्याचं बल-तेज कायम पाठीशी राहण्यासाठी अशी करा पूजा
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
+6
फोटो
