)
बाडमेर, 07 एप्रिल : देशातील प्रत्येक मंदिर आणि प्रार्थनास्थळाच्या त्यांच्या स्वत:च्या वेगवेगळ्या कथा आणि इतिहास आहे. त्याचबरोबर विविध मंदिरांमध्ये दिल्या जाणाऱ्या प्रसादाचेही स्वतःचे महत्त्व आहे. बाडमेरमध्ये असा प्रसाद असतो, जो वर्षातून फक्त एक दिवस बनवला जातो. ज्यासाठी तेथील प्रत्येकजण वर्षातील 365 दिवसांची वाट पाहतो. हनुमान जयंतीला तयार केल्या जाणाऱ्या 51 किलोच्या भाकरीसाठी डझनहून अधिक लोक दोन दिवस मेहनत घेतात. हा भाकरीचा प्रसाद अंजनीपुत्र हनुमानाला अर्पण केला जातो. आपल्याकडे घरी, हॉटेल्स आणि रेस्टॉरंटमध्ये बनवलेली भाकरी साधारण काही ग्रॅमची असते. मात्र, येथे प्रसादासाठी बनवल्या जाणाऱ्या एका भाकरीचे वजन तब्बल 51 किलो असते. भाकरीचे वजन ऐकून तुम्हालाही आश्चर्य वाटले असेल. राजस्थानच्या बाडमेर जिल्ह्यात स्वामणी प्रसादाच्या वेळी 51 किलो वजनाची भाकरी तयार केली जाते, त्याला स्थानिक भाषेत ‘रोटा’ असेही म्हणतात. ही भाकरी पीठ, बेसन, मैदा, मीठ आणि गूळ यापासून बनवली जाते आणि काजू, बेदाणे, बदाम, पिस्ते यांनी सजवली जाते. ही भाकरी तयार करण्यासाठी तब्बल 4 तास लागतात. एक भाकरीच प्रसाद पद्धत - भाविक त्यांच्या मनोकामना पूर्ण झाल्यावर सवामणी प्रसादात अशी भाकरी प्रसाद म्हणून देतात. बाडमेर जिल्ह्यातील चारभुजा मंदिरात सावमणीच्या प्रसादात ‘रोटा’ दिला जातो. अशी भाकरी तयार करणे, हे केवळ कष्टाचे काम नाही तर केवळ अनुभवी लोकच ते तयार करू शकतात.
3-4 तासात तयार होते - सवामणीमध्ये भाकरी बनवणाऱ्यांपैकी संदीप रामावत सांगतात की, ते गेल्या 16-17 वर्षांपासून अशी भाकरी बनवत आहेत. सवामणी प्रसादासाठी तयार केलेली भाकरी सुमारे 51 किलो वजनाची असते. त्यासाठी 25 किलो पीठ, 17 किलो गूळ, 20 किलो तूप, 2 किलो ड्रायफ्रूट्स आणि 5 ग्रॅम केशर इ. वापरून ती बनवली जाते. ही भाकरी तयार करण्यासाठी सुमारे 3-4 तास लागतात. हे वाचा - महादेवाच्या नावावरून बाळाचं नाव ठेवायचंय का? या 6 पैकी एक तुम्हाला पसंत पडेल ड्रायफ्रुट्सने सजवतात- संदीप सांगतात की, पीठ, मीठ आणि गूळ एकत्र करून पीठ तयार केले जाते. नंतर या भाकरीचा चुरमा बनवला जातो. भक्त आपापल्या स्तरावर ही एकच भाकरी तयार करून मंदिरात अर्पण करतात. भाकरी सुका मेवा लावून सजवली जाते. भाकरीचा चुरमा बनवला जातो आणि भक्त प्रसादाच्या रूपात तो खातात.
+6
फोटो
