)
मुंबई, 30 जून : दरवर्षी श्रावणातील नारळी पौर्णिमेला रक्षाबंधनाचा सण साजरा केला जातो. राखी बांधताना भद्रकाळ पाहिला जातो. रक्षाबंधनाच्या दिवशी भद्रकाळाच्या वेळेत बहिणी भावाला राखी बांधत नाहीत. भद्रकाळात राखी बांधणे अशुभ मानले जाते. या वर्षी 2023 मध्ये रक्षाबंधनाच्या सणावर भद्राची छाया आहे. ज्या वेळेपासून श्रावण पौर्णिमा तिथी सुरू होते, त्याच वेळेपासून भद्रकाळही सुरू होत आहे. अशा परिस्थितीत रक्षाबंधन कधी साजरे करावे आणि राखी बांधण्याचा शुभ मुहूर्त कोणता? याविषयी केंद्रीय संस्कृत विद्यापीठ पुरीचे ज्योतिषाचार्य डॉ. गणेश मिश्रा यांनी दिलेली माहिती जाणून घेऊ. 2023 मध्ये रक्षाबंधन - द्रुक पंचांगानुसार या वर्षी श्रावण मासातील शुक्ल पक्षाची पौर्णिमा 30 ऑगस्टला सकाळी 10.58 वाजता सुरू होत असून ती 31 ऑगस्टला सकाळी 07.05 वाजता समाप्त होत आहे. या आधारावर, 2023 मध्ये रक्षाबंधन बुधवार, 30 ऑगस्ट रोजी साजरे केले जाईल, कारण पौर्णिमा 31 ऑगस्टच्या सकाळीच संपणार आहे.
2023 च्या रक्षाबंधनावरील भद्रकाळ या वर्षी 30 ऑगस्टला रक्षाबंधनावर भद्रकाळाची छाया आहे. रक्षाबंधन दिवशी भद्रकाळ सकाळी 10.58 वाजता सुरू होत असून रात्री 09.01 पर्यंत आहे. ही भद्रा पृथ्वी जगताची आहे, म्हणून त्याकडे दुर्लक्ष करता येणार नाही. भद्रा पूंच संध्याकाळी 05:30 ते 06:31 पर्यंत आणि भद्रा मुख संध्याकाळी 06:31 ते 08:11 पर्यंत आहे. या जन्मतारखा असलेल्यांनी लग्नाचा निर्णय जपून घ्या; खूप गोष्टीत साम्य दिसलं तरी.. रक्षाबंधन 2023 राखी बांधण्यासाठी शुभ मुहूर्त - 30 ऑगस्ट रोजी राखी बांधण्याचा शुभ मुहूर्त रात्री 09:01 नंतर आहे. यंदाही रक्षाबंधन 2 दिवसांचे असू शकते - ज्याप्रमाणे गतवर्षी 2022 मध्ये भद्रकाळामुळे दोन दिवस रक्षाबंधन सण साजरा करण्यात आला, त्याचप्रमाणे या वर्षी 2023 मध्ये 30 ऑगस्ट आणि 31 ऑगस्ट असे दोन दिवस रक्षाबंधन साजरे करता येईल. जुलैमध्ये अभद्र गुरु-चांडाळ योग! संपूर्ण महिनाभर या राशींना जपून राहावं लागणार 31 ऑगस्ट रोजी राखी बांधण्यासाठी शुभ मुहूर्त - ज्यांना 31 ऑगस्टला रक्षाबंधन साजरे करायचे आहे त्यांच्यासाठी मुहूर्त फक्त सकाळी 07:05 पर्यंत आहे. त्या दिवशी अमृत-सर्वोत्तम मुहूर्त पहाटे 05:42 ते 07:23 पर्यंत आहे. श्रावण पौर्णिमा तिथी 07:05 वाजता समाप्त होईल. त्यापूर्वी राखी बांधता येते. या दिवशी सकाळी सुकर्म योगही असेल. रक्षाबंधनाचे महत्त्व - रक्षाबंधन हे भाऊ-बहिणीच्या प्रेमाचे प्रतीक आहे. दिवाळी भाऊबीजेनंतर हा दुसरा मोठा सण मानला जातो. या दिवशी बहिणी आपल्या भावांना राखी बांधतात. त्या बदल्यात, भाऊ भेटवस्तू देतात आणि त्यांच्या बहिणींचे संरक्षण करण्याचे वचन देतात. आषाढी एकादशी का साजरी करतात? विठ्ठल पूजा, विष्णूचे शयन, चातुर्मासाचे महत्त्व काय (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
+6
फोटो
