यंदाची मौनी अमावस्या 4 राजयोगांमध्ये! शनि अमावस्येशी आहे दुर्मिळ संयोग

मुंबई, 20 जानेवारी : यंदाची मौनी अमावस्या 21 जानेवारीला शनिवारी आहे. 20 वर्षांनंतर मौनी अमावस्येला शनि अमावस्येचा शुभ संयोग आहे. 20 वर्षांनंतर अशी संधी आली आहे, जेव्हा शनि अमावस्या देखील मौनी अमावस्येच्या दिवशी आहे. याशिवाय मौनी अमावस्येला चार राजयोगही तयार होत आहेत, त्यामुळे यंदाची मौनी अमावस्या आणखीनच खास बनली आहे. या दिवशी गंगेत स्नान केल्यानं मोक्ष तर मिळतोच पण शनिदेवाच्या कृपेने भक्तांचे दुःखही दूर होतात. 20 वर्षांनंतर योगायोग तिरुपतीचे ज्योतिषी डॉ. कृष्ण कुमार भार्गव सांगतात की, फेब्रुवारी 2003 मध्ये मौनी अमावस्येचा दिवस शनिवार होता. त्या दिवशी शनि अमावस्येचा योगायोग तयार झाला होता. आता 20 वर्षांनंतर 21 जानेवारीला मौनी अमावस्येला शनि अमावस्येचा सुंदर योगायोग आहे. या दिवशी गंगेत स्नान केल्यानंतर शनिदेवाची पूजा केल्याने साडेसातीमध्येही लाभ होतो. मौनी अमावस्येला 4 राजयोग यंदा मौनी अमावस्येला सत्कीर्ती, हर्ष, भारती आणि ज्येष्ठ असे चार राजयोग तयार होत आहेत. याशिवाय सूर्य आणि शुक्र मकर राशीत असल्यामुळे खापर योगही या दिवशी तयार होईल. अशाप्रकारे पाहिले तर मौनी अमावस्येला 5 योग तयार होत असून ते दुर्मिळ आहेत. 30 वर्षांनंतर मौनी अमावस्येला खापर योग मौनी अमावस्येला 30 वर्षांनंतर खापर योग तयार झाला आहे. खापर योगात शनिदेवाशी संबंधित उपाय केल्यानं त्याचे दुष्परिणाम संपतात. साडेसाती किंवा शनिदोषाच्या उपायांसाठी खापर योग अत्यंत शुभ मानला जातो. शनिदेव दु:ख निवारतील - या वर्षी मौनी अमावस्येच्या दिवशी स्नान करून शनिदेवाची पूजा करावी. खापर योगामुळे या दिवशी छाया दान, काळ्या तिळाचे दान, काळ्या उडदाचे उपाय, शनि रक्षा कवच पठण इत्यादी करता येतात. यामुळे ज्या लोकांवर शनीची वक्र दृष्टी आहे, त्यांना लाभ होईल. शनिदेव त्यांचे दुःख दूर करतील. मौनी अमावस्येला स्नान-दान मौनी अमावस्येच्या दिवशी सूर्योदयापासून तुम्ही स्नान करू शकता. या दिवशी शक्य असल्यास गंगेत स्नान करून पुण्य लाभावे. यामुळे तुमची पापे दूर होतील आणि तुम्हाला मोक्ष मिळेल. मौनी अमावस्येच्या दिवशी आपल्या क्षमतेनुसार दान करा. हे वाचा -  Shiv Mantras: महादेवाची पूजा करताना या मंत्रांचा करा जप; पूर्ण होतील सर्व मनोकामना (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)

• Follow us on