)
मुंबई, 14 ऑक्टोबर : नुकताच दसरा हा सण साजरा झाला. अधर्मी रावणाचा वध करून रामाच्या विजयाचा दिवस म्हणून दसरा साजरा केला जातो. रावणाचा मृत्यू पंचक काळात झाला असे शास्त्रात सांगितले आहे. जो सर्वात अशुभ काळ मानला जातो. असे मानले जाते की, या कालावधीत मृत्यू झाल्यामुळे 5 ते 7 दिवसात कुटुंबातील किंवा नातेवाईकांमधील इतर चार लोकांचा मृत्यू होण्याची शक्यता देखील वाढते. आज आम्ही तुम्हाला त्याच पंचक काळाबद्दल सांगत आहोत. पंचक म्हणजे काय? ज्योतिषी राजकुमार चतुर्वेदी यांनी दिलेल्या माहितीनुसार 5 नक्षत्रांचा काळ पंचक मानला जातो. रेवती नक्षत्र, उत्तरा भाद्रपद, पूर्वा भाद्रपद, शतभिषा हे पंचकातील चार कालखंड आहेत. या चार कालखंडातील चंद्रग्रहणाच्या तिसऱ्या नक्षत्राच्या भेटीला पंचक म्हणतात. पंचक काळात घडलेल्या अशुभ कार्याची 5 दिवसात 5 वेळा पुनरावृत्ती होते, असे मानले जाते. या कृती अशुभ मानल्या जातात - पंचक काळात अनेक कामे करणे अशुभ मानले जाते. सर्वात मोठी पाच कामे म्हणजे घराचे छत, स्लॅब घालणे, दक्षिण दिशेला प्रवासाला जाणे, लाकडी वस्तू खरेदी करणे, पलंगाची दुरुस्ती करणे किंवा पलंग तयार करणे आणि मृतदेहाचे अंतिम संस्कार करणे.
2 दिवसांचा पंचक दोषमुक्त - चतुर्वेदी यांनी सांगितले की, पंचक काळात प्रत्येक वाराचा वेगळा परिणाम होतो. पंचक काळ हा अशुभ असतो. पण, ग्रहांचे संक्रमण आणि ग्रहांच्या स्थितीमुळे हा प्रभाव फक्त कमी जास्त होतो. रविवार ते शनिवार असे सात दिवस स्वतंत्र पंचक काल तयार होतो. या पंचांमध्ये बुधवार आणि गुरुवारचे पंच दोषमुक्त असल्याचे सांगितले जाते. हे वाचा - दिवा विझणं खरंच अपशकुन आहे का? पूजा करताना या गोष्टींची काळजी घ्या गवताच्या पुतळ्याचे दहन करावे - ज्योतिषशास्त्रानुसार पंचक काळात एखाद्याच्या मृत्यू झाला, तर मृतदेहावर अंत्यसंस्कार करण्याबरोबरच एक गवताचा पुतळा बनवून त्याच वेळी त्याचे अंतिम संस्कार करण्याची परंपरा आहे. जेणेकरून पंचकातील अशुभ परिणाम टाळता येतील.
(सूचना : येथे दिलेली माहिती धार्मिक श्रद्धेवर आधारित आहे, याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
+6
फोटो
