)
पुणे, 1 जुलै : आपल्या देशात गुरूला मोठं महत्त्व आहे.गुरू आपल्याला ज्ञानाने प्रकाश देतात आणि अंधारातून प्रकाशाकडे नेतात. त्यांचा सन्मान करणारा उत्सव म्हणजे गुरूपौर्णिमा. आषाढ महिन्यातील पौर्णिमा ही गुरूपौर्णिमा म्हणून ओळखली जाते. यंदा सोमवारी 3 जुलै रोजी गुरूपौर्णिमा आहे. ही गुरूपौर्णिमा कोणत्या राशीसाठी कशी आहे याबाबत पुण्यातील ज्योतिषी सावनी राजपाठक यांनी माहिती दिली आहे. मेष - मेष राशीच्या लोकांना गुरु प्रथम स्थानात आहे , संततीच्या विषयक शुभघटना घडतील, धार्मिक कार्यात यश मिळेल आणि विवाह इच्छुकांचे विवाह जुळतील. समाधानकारक दिनमान राहील वृषभ - वृषभ राशीच्या लोकांना १२ व्या स्थानात गुरु आहे , परदेश गमनासाठी योग्य काळ , वाहन खरेदी ,घर खरेदी विषयक मार्ग मोकळे होतील ,खर्च वाढेल.तब्येतीची काळजी घ्यावी . मिथुन-मिथुन राशीच्या लोकांना लाभस्थानात गुरु आहे , पती पत्नी मधील दुरावे नष्ट होतील , सामंजस्य वाढेल, धार्मिक कार्यात यश मिळेल . पत्नीची साथ मिळेल कर्क - कर्क राशीच्या 10 व्या स्थानात गुरु आहे , व्यवसायात भरभराट होईल, आर्थिक नियोजन होईल , व्यवसायाच्या नव्या दिशा दिसतील , धार्मिक वातावरण घरात राहील.
सिंह - सिंह राशीच्या लोकांना अत्यंत शुभ दिवस आहे , हातून दानधर्म होईल ,जेष्ठ व्यक्तींचा सहवास लाभेल ,गुरुकृपा होईल , परदेशात योग्य आहेत. कन्या - कन्या राशीच्या लोकांना गुरु आठव्या स्थानात असल्याने कमी बळाचा असणार आहे . आजच्या दिवशी या लोकांनी दान आणि जप करावा . परदेश गमनासाठी मात्र शुभकाळ आहे . तुळ - तुळ राशीच्या लोकांना सातव्या स्थानात गुरु आहे. विवाह इच्छुकांचे विवाह होतील , नवरा बायकोचे संबंध सुधारतील ,जोडीदाराची साथ मिळेल . रखडलेली कामं मार्गी लागतील . वृश्चिक - वृश्चिक राशीच्या लोकांना सहाव्या स्थानात गुरु येतो. हाती घेतलेली काम मार्गी लागतील ,व्यवसायाच्या दृष्टीने शुभफळ मिळेल , या दिवशी दान करावं. गुरू पौर्णिमेच्या मुहूर्तावर करा ‘या’ गोष्टी, आयुष्यात सर्वार्थानं होईल उन्नती, Video धनु रास - धनु राशीच्या लोकांचा अत्यंत शुभ असणारा पंचम स्थानातील गुरु येतो . दानधर्म ,गुरुची सेवा फलदायी ठरेल . आजची साधना उद्या फलदायी ठरेल ,धार्मिक कार्यात रस येईल . मेहनतीस फळ येईल. मकर रास - मकर राशीच्या लोकांना चौथ्या स्थानावर गुरु आहे.घरामध्ये शुभकार्य होतील. धार्मिक वातावरण असेल परदेशगमनाचे योग , बढतीचे योग असतील . कुंभ रास - कुंभ राशीच्या लोकांचा तृतीय स्थानावर गुरु आहे . या लोकांच्या कर्तुत्वाला चांगला वाव मिळेल , यश मिळेल त्यांच्या विचाराला ज्ञानाची जोड मिळेल. विवाह इच्छुकांचे विवाह होतील . मीन रास - मीन राशीच्या लोकांना गुरु धन स्थानामध्ये आहे. पैशाची बचत होईल ,आर्थिक नियोजन होईल , रखडलेली कामं मार्गी लागतील.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
+6
फोटो
