)
पुणे, 15 ऑगस्ट: पुण्यात (Pune) पुन्हा एकदा कोरोना (Corona Vius rules) नियमांचं उल्लंघन झाल्याचं आढळून आलं आहे. जरी निर्बंध काही प्रमाणात शिथिल झाले असले तरी सोशल डिस्टन्सिंगचा (social distancing) नियम अजूनही लागू आहे. पिंपरी चिंचवडमध्ये (pimpri chinchwad) सोशल डिस्टन्सिंगचा फज्जा उडाल्याची घटना घडली. पिंपरी चिंचवडमध्ये पोलिसांनी बारवर (Bar) धाड टाकली आहे. बारवर धाड टाकत पोलिसांनी तब्बल 200 हून अधिक तरुण-तरुणींना ताब्यात घेतलं. काल रात्री पिंपरी चिंचवड पोलिसांच्या सामाजिक सुरक्षा विभागानं जगताप डेअरी येथील ऍलो गॅस्ट्रो लॉज आणि एटीन डिग्री रूप- टॉप हॉटेल अँड बारवर धाड टाकली. या धाडीत पोलिसांनी 200 हून अधिक तरुण-तरुणींना ताब्यात घेतलं.
कोविड नियमांचे उल्लंघन करून ऍलो गॅस्ट्रो लॉज आणि एटीन डिग्री रूप टॉप बार सुरू होते. यामध्ये तरुण-तरुणी विकेंड पार्टी साजरी करत होते.
200 च्या वर तरुण - तरुणींना पिंपरी चिंचवड पोलिसांनी घेतलं होतं ताब्यात pic.twitter.com/PAq5RYIipp
— News18Lokmat (@News18lokmat) August 15, 2021
ऍलो गॅस्ट्रो लॉजमधून 113 तर एटीन डिग्री रूप टॉप हॉटेल अँड बार मधून 105 तरुण-तरुणींना पोलिसांनी ताब्यात घेतलं. दारू पिऊन तरुण- तरुणी विकेंड पार्टी साजरी करत होते. विना मास्कच दंड आकारून आणि समज देऊन पोलिसांनी विकेंड पार्टी साजरी करणाऱ्या तरुण- तरुणींना सोडून दिलं.
+6
फोटो
