)
पुणे : ऊन असो किंवा पाऊस मात्र आपली ड्युटी निभावणाऱ्या ट्रॅफिक पोलिसांचा एक व्हिडीओ सध्या चर्चेत आला आहे. ट्रॅफिक पोलीस वेळोवेळी लोकांची मदत करतानाचे व्हिडीओ याआधी देखील सोशल मीडियावरून समोर आले होते. आताही पुण्यात चक्क ट्रॅफिक पोलिसांनी ट्रकला धक्का मारून ट्रॅफिक सोडवण्याचे प्रयत्न केले. पुणे ट्रॅफिक पोलिसांच्या ट्विटरवर हा व्हिडीओ शेअर करण्यात आला आहे. अचानक ट्रक रस्त्यात रात्रीच्या वेळी बंद पडला. त्यामुळे ट्रॅफिक होऊ लागलं. ही कोंडी सोडवण्यासाठी स्वत: ट्रॅफिक पोलीस पुढे आले. त्यांनी स्थानिकांच्या मदतीने ट्रकला धक्का मारला आणि बाजूला केला.
अनपेक्षित अडथळ्यांमुळे अडचण निर्माण होऊ शकते, परंतु जलद विचार आणि "टीम-वर्क" सह परिस्थिती हाताळता येऊ शकते.
— पुणे शहर वाहतूक पोलीस (@PuneCityTraffic) April 4, 2023
भारती विद्यापीठ वाहतूक विभागाचे पोलीस अंमलदार व स्थानिक नागरिक यांचे कौतुकास्पद काम...! pic.twitter.com/hsvuobQhaf
कात्रज चौकात काँक्रीटचा ट्रक रस्त्याच्या मधोमध बंद पडल्याने भारती विद्यापीठ वाहतूक विभागाचे ट्राफिक अंमलदार यांनी आजूबाजूला उपस्थित लोकांच्या मदतीने ट्रकला त्वरीत मोठ्या ताकतीने धक्का मारून बाजूला करून वाहतूक सुरळीत केली.
— पुणे शहर वाहतूक पोलीस (@PuneCityTraffic) April 4, 2023
त्यामुळे बऱ्यापैकी वाहतूक कोंडी सुटली. ट्रॅफिक पोलिसांनी ट्विट करत म्हटलं, ‘‘अनपेक्षित अडथळ्यांमुळे अडचण निर्माण होऊ शकते, परंतु जलद विचार आणि “टीम-वर्क” सह परिस्थिती हाताळता येऊ शकते.’’
‘‘भारती विद्यापीठ वाहतूक विभागाचे पोलीस अंमलदार व स्थानिक नागरिक यांचे कौतुकास्पद काम…! कात्रज चौकात काँक्रीटचा ट्रक रस्त्याच्या मधोमध बंद पडल्याने भारती विद्यापीठ वाहतूक विभागाचे ट्राफिक अंमलदार यांनी आजूबाजूला उपस्थित लोकांच्या मदतीने ट्रकला त्वरीत मोठ्या ताकतीने धक्का मारून बाजूला करून वाहतूक सुरळीत केली.’’
+6
फोटो
