न धुता किती दिवस वापरु शकता टॉवेल? पर्सनल Hygiene विषयी 'या' गोष्टी माहितीय?

अनेक लोक टॉवेलला आठवड्यातून एकदा किंवा दोनदा धुतात. काही बॅचलर्स लोक तर बऱ्याचदा दोन-तीन आठवडे टॉवेल न धुता वापरतात. पण कधी विचार केलाय का की पर्सनल हायजिन म्हणून टॉवेलला किती दिवस न धूता वारणे योग्य आहे?

तुमच्या टॉवेलमध्ये किती बॅक्टेरिया असू शकतात याचा कधी विचार केला आहे? नसेल तर आत्ताच विचार करायला सुरुवात करा. कारण जर आपण घाणेरडा टॉवेल वापरत असू तर शरीर स्वच्छ ठेवूनही तुम्ही आजारी पडू शकता. आंघोळीनंतर, चेहरा आणि हात धुतल्यानंतर जेव्हा आपण आपले शरीर किंवा हात आणि तोंड टॉवेलने कोरडे करतो तेव्हा काही जीवाणू त्याच्या तंतूंना चिकटतात. यानंतर, तुमच्या टॉवेलमध्ये असलेला ओलावा या जंतूंना वाढण्यासाठी सर्वोत्तम वातावरण प्रदान करते.

अमेरिकेतील 'द लाँड्री इव्हेंजलिस्ट'चे पॅट्रिक रिचर्डसन यांच्या मते, त्वचेचे आजार टाळण्यासाठी तुमचे टॉवेल वारंवार धुणे महत्त्वाचे आहे. त्याच वेळी, काही तज्ञांच्या मते, टॉवेल तीनपेक्षा जास्त वेळा वापरल्यानंतर तो धुऊन वाळवला पाहिजे. सोप्या शब्दात समजून घ्या, जर तुम्ही दररोज एकदा आंघोळ केली तर तिसऱ्या दिवशी वापरल्यानंतर त्याला धुवा. नाहीतर त्वचेशी संबंधित समस्यांपासून तुमचे संरक्षण होईल.

आता टॉवेलवर बॅक्टेरिया कसे येतात ते समजून घेऊ. जेव्हा आपण बाहेर जातो तेव्हा आपले हात अनेक ठिकाणी स्पर्श करतात. या पृष्ठभागांवर असलेले जिवाणू, बुरशी किंवा विषाणू आपल्या हाताद्वारे आपल्या शरीराच्या वेगवेगळ्या ठिकाणी पोहोचतात. त्याचबरोबर हवेत असलेले बॅक्टेरिया किंवा विषाणू देखील आपल्या त्वचेवर जमा होतात. त्यानंतर आपण जेव्हा फ्रेश होतो, तेव्हा सर्व बॅक्टेरिया किंवा विषाणू निघत नाहीत. यातील काही जीवाणू पाणी कोरडे करताना टॉवेलच्या तंतूंना चिकटून राहतात. मग ते टॉवेलवर वाढू लागतात.

हात धुतल्यानंतर किंवा आंघोळ केल्यावर जेव्हा आपण आपले शरीर टॉवेलने घासून कोरडे करतो तेव्हा आपली मृत त्वचा देखील घाण सोबत चिकटते. आता हा टॉवेल आपण न धुता वापरला तर आपल्या मृत त्वचेसोबतच सूक्ष्मजीव पुन्हा आपल्या त्वचेपर्यंत पोहोचतात. जेव्हा हे वारंवार घडते तेव्हा आपल्या केसांच्या कूपांमध्ये त्रास होण्याची शक्यता वाढते. घाणेरडे टॉवेल्स न धुता वारंवार वापरल्याने त्वचेच्या आजाराची समस्या देखील उद्भवू शकते. इतकेच नाही तर एक गलिच्छ टॉवेल तुम्हाला एक्झामा, दाद किंवा पुरळ यासारख्या गंभीर त्वचेच्या आजारांना बळी पडू शकतो.

आंघोळ, चेहरा आणि हात धुतल्यानंतर आपण टॉवेल वापरतो. जरी, बहुतेक लोक त्यांचे शरीर चांगले स्वच्छ करतात, परंतु त्यांच्या टॉवेलच्या स्वच्छतेकडे फारसे लक्ष देत नाहीत. टॉवेल हा आपल्या दैनंदिन जीवनातील सर्वात महत्त्वाचा भाग आहे.