अफगाणिस्तानमधील पंजशील खोऱ्यावर ताबा मिळवण्यात अद्याप तालिबानला यश आलेलं नाही. इथं अहमद मसूद यांच्या नेतृत्वाखाली 6 हजार सैनिक तालिबानसोबत लढा देण्यासाठी सज्ज आहेत. अफगाणिस्तानचे उपराष्ट्रपती अमरुल्ला सालेहदेखील याच भागात राहत आहेत. तालिबानसोबत चर्चा करायला आम्ही तयार आहोत, मात्र प्रसंगी लढाई करण्याचीदेखील आमची तयारी आहे, अशी प्रतिक्रिया अहमद मसूद यांनी दिली आहे.