तालिबानच्या सत्तेनंतर काबुलमधून पहिलं आंतरराष्ट्रीय उड्डाण, 200 प्रवाशांची सुटका, पाहा PHOTOs

कतारने या विमानतळाच्या देखभाल आणि दुरुस्तीची जबाबदारी घेतली आहे. काबुलवरून 200 प्रवाशांना घेऊन पहिलं विमान कतारची राजधानी दोहाकडे उडालं. 200 प्रवाशांची अफगाणिस्तानमधून सुटका करण्यात आली.

ज्या नागरिकांकडे वैध पासपोर्ट आणि कागदपत्रं आहेत, त्यांना देशातून बाहेर काढलं जाईल, अशी घोषणा तालिबानकडून करण्यात आली होती. त्यानुसार अमेरिका आणि इतर देशातील नागरिकांना या विमानाने दोहा विमानतळावर पोहोचवण्यात आले. तिथून ते आपापल्या इच्छित स्थळी जाऊ शकणार आहेत.

आपलं पुढचं पाऊल काय असेल, याबाबत व्हाईट हाऊसकडून नवी घोषणा कऱण्यात आली नसली, तरी अफगाणिस्तानमध्ये अडकून पडलेल्या प्रत्येक नागरिकाची सुटका होईपर्यंत आपण पाठपुरावा करत राहू, असं त्यांनी म्हटलं आहे.

आपलं पुढचं पाऊल काय असेल, याबाबत व्हाईट हाऊसकडून नवी घोषणा कऱण्यात आली नसली, तरी अफगाणिस्तानमध्ये अडकून पडलेल्या प्रत्येक नागरिकाची सुटका होईपर्यंत आपण पाठपुरावा करत राहू, असं त्यांनी म्हटलं आहे.

अफगाणिस्तान अडकून पडलेल्या सर्व अमेरिकी आणि इतर परदेशी नागरिकांना बाहेर काढणं यावर सध्या आपलं लक्ष असल्याचं अमेरिकेनं म्हटलं आहे.