फास्ट चार्जरसाठी कोणती वायर चांगली? आताच माहित करुन घ्या नाहीतर मिळेल धोका

फोनची बॅट्री फारच महत्वाची आहे आणि त्यापेक्षा महत्वाचं आहे, ते म्हणजे फोनचा जलद चार्जर. कंपन्या त्यांच्या ग्राहकांना फास्ट चार्जिंग सपोर्टसह चार्जर ऑफर करत आहेत, ज्याच्या मदतीने तुम्ही फोन त्वरित चार्ज करू शकता. फास्ट चार्जिंगच्या मदतीने तुम्ही स्मार्टफोनला काही मिनिटांत इतका चार्ज करू शकता की तुम्ही फोन तासनतास वापरू शकता.

अशा परिस्थितीत, जर तुम्ही नवीन स्मार्टफोन घेण्याचा विचार करत असाल तर, जलद चार्जिंग होईल किंवा तसा सपोटर मिळेल याची काळजी घ्या. जलद चार्जिंग तंत्रज्ञान तुमच्या डिव्हाइसमध्ये डीफॉल्टनुसार इन-बिल्ट असू शकते. याशिवाय तुम्ही तुमचा फोन चार्ज करण्यासाठी वापरत असलेल्या अॅक्सेसरीज तुमच्या डिव्हाइसला चार्ज करण्यासाठी खूप महत्त्वाच्या आहेत. विशेषतः चार्जर वायर.

USB केबल सामान्यत: मानक आकाराच्या 28 गेज वायर असतात, तर जलद चार्जिंग केबल्समध्ये त्याच आकाराच्या बॅटरीला अधिक करंट पुरवण्यासाठी मोठ्या/जाड 24 गेज वायर असतात. ठराविक USB केबलमधील मानक वायर सुमारे 0.5A विद्युतप्रवाह पुरवू शकते, तर जलद चार्जिंग केबल्स जास्त (2A किंवा अधिक) पुरवू शकतात.

आता तुम्ही असा विचार करत असाल की फास्ट चार्जिंग वायर आणि रेग्युलर केबल यांच्यात फरक कसा करता येईल आणि कोणती वायर फास्ट चार्जिंग करते हे कसे ओळखता येईल? चला तर मग अशा काही ट्रिक्स जाणून घ्या, ज्याच्या मदतीने तुम्ही चुटकीसरशी ओळखू शकता की तुम्ही खरेदी करत असलेली वायर फास्ट चार्जिंगला सपोर्ट करते की नाही.

तुम्ही कोणती वायर विकत घेत आहात? हे सांगण्यासाठी, अनेक केबल उत्पादक त्यांचे तपशील त्यांच्या पॅकिंगवर लिहितात. म्हणून, जेव्हाही तुम्ही केबल खरेदी करता तेव्हा सर्वप्रथम केबलचे ब्रँडिंग, लेबल आणि त्याचे तपशील तपासा.

केबल एम्पेरेज तपासा जलद चार्जिंग केबल तपासण्यासाठी, तुम्ही त्याची एम्पेरेज देखील तपासू शकता. जलद चार्जिंग केबल्स 2A किंवा त्याहून अधिक प्रवाह पुरवतात. अशा परिस्थितीत, जर तुम्ही जलद चार्जिंग केबल खरेदी करणार असाल, तर फक्त 2A चा पुरवठा असलेली वायर खरेदी करा. यामुळे तुमचा स्मार्टफोन जलद चार्ज होतो.

जलद चार्जिंग केबल्समध्ये जाड वायर असतात. म्हणून, लोक ते खरेदी करतात, पण हे नेहमीच खरे नसते. जलद चार्जिंग केबल्स ओळखण्याचा हा अजिबात प्रभावी मार्ग नाही. पण असं असलं तरी देखील पातळ वायरसह केबल्स खरेदी करणे टाळावे किंवा क्वालिटी चेक करावी. तसेच जलद चार्जिंग आणि नियमित केबल्स ओळखण्याचा त्रास टाळण्यासाठी, प्रमाणित स्टोअरमधून केबल्स खरेदी करा. तुम्ही तुमच्या स्मार्टफोन निर्मात्याकडून अॅक्सेसरीज विकत घेतल्यास, तुम्हाला एक जलद चार्जिंग केबल नक्कीच मिळेल.