टी20 वर्ल्ड कपच्या फायनलमध्ये इंग्लिश गोलंदाजांच्या प्रभावी आक्रमणासमोर पाकिस्तानला 20 ओव्हर्समध्ये 8 बाद 137 धावाच करता आल्या.
इंग्लंडसाठी सर्वात यशस्वी गोलंदाज ठरला तो डावखुरा वेगवान गोलंदाज सॅम करन. त्यानं 4 ओव्हरमध्ये अवघ्या 12 धावा देत 3 विकेट्स घेतल्या.
फायनलमधल्या कामगिरीसह सॅम करन यंदाच्या टी20 वर्ल्ड कपमध्ये सर्वाधिक विकेट्स घेणारा दुसरा बॉलर बनला आहे. त्यानं या वर्ल्ड कपमध्ये 7 मॅचमध्ये 14 विकेट्स घेतल्या आहेत.
लेग स्पिनर आदिल रशिदनंही निर्णायक सामन्यात कमाल केली. त्यानं मोहम्मद हॅरिस आणि कॅप्टन बाबर आझमची विकेट घेत इंग्लंडला फ्रंटफूटवर नेऊन ठेवलं.