मुंबई पुणे एक्सप्रेस वेवर भीषण अपघात, 15 वर्षीय मुलीचा मृत्यू; पाच जण जखमी

मुंबई पुणे एक्सप्रेसवेवर भीषण अपघातात एका १५ वर्षांच्या मुलीचा मृत्यू झाला तर एकाच कुटुंबातले पाच जण जखमी झाले आहेत.

मुंबईहून पुण्याला येत असताना मध्यरात्री साडे तीनच्या सुमारास उर्से टोलनाक्याजवळ अपघात झाला.

आयशर टेम्पोला कारने मागून धडक दिली. ही धडक इतकी जोरात होती की कारचा चक्काचूर झाला आहे.

कारमधून सहा जण प्रवास करत होते. अपघातानंतर आयआरबी पेट्रोलिंग, देवदूत यंत्रणा, महामार्ग पोलीस आणि राणी एम्ब्युलन्सने जखमींना उपचारासाठी रुग्णालयात नेण्यात आले.

अपघातात १५ वर्षीय सारा कुरेशी हिचा मृत्यू झाला. तर तीन पुरुष आणि दोन महिला अपघातात जखमी झाले आहेत. सर्वजण एकाच कुटुंबातले आहेत.